દિવાળી પહેલા સૌરાષ્ટ્ર અને દક્ષિણ ગુજરાતમાં માવઠાની આગાહી, આ જિલ્લાઓ મુશ્કેલીમાં
શુક્રવારથી દિવાળીના તહેવારની ધમધમતી શરૂઆત થવા જઈ રહી છે ત્યારે હવામાન વિભાગે ગુજરાતના કેટલાક વિસ્તારો માટે વરસાદની આગાહી કરી છે.
મુખ્યત્વે સૌરાષ્ટ્ર અને દક્ષિણ ગુજરાતના અમુક જિલ્લાઓમાં હળવાથી મધ્યમ વરસાદની સંભાવના છે. આ કમોસમી વરસાદ ખેડૂતોની મુશ્કેલીમાં વધારો કરી શકે છે, કારણ કે તૈયાર પાકને નુકસાન થવાનો ભય છે.
હવામાન વિભાગના પૂર્વાનુમાન મુજબ, શુક્રવાર (તારીખ ૧૭) ના રોજ રાજ્યના કેટલાક વિસ્તારોમાં છૂટાછવાયા સ્થળોએ હળવાથી મધ્યમ વરસાદની સંભાવના છે.
દક્ષિણ ગુજરાતના ડાંગ, તાપી, નવસારી, વલસાડ, સુરત અને ભરૂચ જિલ્લામાં વરસાદ પડી શકે છે. આ ઉપરાંત, સૌરાષ્ટ્ર પ્રદેશના અમરેલી અને ગીર સોમનાથમાં પણ વરસાદની શક્યતા છે. કેન્દ્રશાસિત પ્રદેશો દમણ અને દાદરા નગર હવેલીમાં પણ છૂટાછવાયા સ્થળોએ વરસાદનું અનુમાન છે.
રાજ્યમાં લગભગ વરસાદે વિરામ લીધો છે પરંતુ વરસાદ પીછો નથી છોડી રહ્યો. છેલ્લે છેલ્લે રાજ્યના દક્ષિણી અને સૌરાષ્ટ્રના દરિયાકાંઠાના ભાગોમાં વરસાદ ખેડૂતોની મુશ્કેલી વધારી શકે છે. મુંબઈમાં પણ આ દિવસોમાં વરસાદ થવાની સંભાવના વ્યક્ત કરાઈ છે.
બિન-મોસમી વરસાદના કારણે ખેડૂતોને પોતાના પાકને સુરક્ષિત રાખવા માટે સાવચેતીનાં પગલાં લેવા વિનંતી કરવામાં આવી છે. હાલમાં ખેતરોમાં લણણી માટે તૈયાર પાકને બચાવવા માટે તાત્કાલિક પગલાં લેવા જરૂરી બન્યા છે.
Click it and Unblock the Notifications
Sign in with Google
