પાકિસ્તાનથી ગુજરાતમાં ઘૂસાડ્યું ડ્રગ્સ, દુબઈમાં થઈ હતી ડિલ!

ગુજરાત ATSએ મોરબી જિલ્લામાંથી ડ્રગ્સ સામે મોટી કાર્યવાહીને અંજામ આપ્યો છે. પોલીસે માળિયા મિયાણીથી 120 કિલો ડ્રગ્સ જપ્ત કર્યું છે. આંતરરાષ્ટ્રીય બજારમાં આ ડ્રગ્સની કિંમત 600 કરોડ આંકવામાં આવી રહી છે. આ મામલાના તાર પાકિસ્તાનના ડ્રગ માફિયા ખાલિદ બખ્સ (Khalid Bakhsh) સાથે જોડાયેલા હોવાનું જણાવાઈ રહ્યું છે. પાકિસ્તાનથી ભારતમાં નશીલા પદાર્થો ઘૂસાડવામાં આવી રહ્યા છે. આ મામલે આજે (સોમવારે, 15 નવેમ્બર) 11 વાગ્યે DGP પ્રેસ કોન્ફ્રેન્સ કરશે.

માળિયા મિયાણીમાં ડ્રગ્સ મામલે થયેલી પોલીસ કાર્યવાહીમાં ચાર લોકોની ધરપકડ પણ કરવામાં આવી છે. મળતી માહિતી મુજબ આ ડ્રગ્સ મામલે જે ખાલિદનું નામ સામે આવી રહ્યું છે તે સીધી રીતે આતંકવાદી સંગઠન જૈશ-એ-મોહમ્મદના સંપર્કમાં છે. ભારત મોકલવામાં આવેલ નશીલી દવાના જથ્થાની ડિલ દુબઈમાં થઈ હતી. પાકિસ્તાન માફિયા ખાલિદે ભારતના બે તસ્કરો જબ્બાર અને ગુલામ સાથે દુબઈના સોમાલિયા કેન્ટીમાં મુલાકાત કરી હતી. પોલીસે આ બંનેની ધરપકડ કરી લીધી છે.

ખાસ વાત છે કે પાકિસ્તાની ડ્રગ માફિયા ખાલિદ અગાઉ પણ ભારતમાં નશાલા પદાર્થ ઘૂસાડવાની કોશિશ કરી ચૂક્યો છે. આ અઠવાડિયે જ પોલીસે દેવભૂમિ દ્વારકા અને સુરતમાં હેરોઈન સહિત નશીલા પદાર્થો જપ્ત કર્યા હતા. આ દરમિયાન ત્રણ આરોપીઓની ધરપકડ પણ થઈ હતી. પોલીસે આપેલી જાણકારી મુજબ દેવભૂમિ દ્વારકામાં વેંડર પાસેથી 17 કિલો ડ્રગ્સ જપ્ત કરવામાં આવ્યું હતું, આંતરરાષ્ટ્રીય બજારમાં જેની કિંમત 88.25 કરોડ રૂપિયા છે.

English summary

Drug mafia made a deal in Dubai to smuggle drugs into Gujarat!