કચ્છમાં ભૂકંપના હળવા ઝટકા, તીવ્રતા 4.5ની નોંધાઇ

Updated: Wednesday, November 5, 2014, 16:15 [IST]

અમદાવાદ, 30 માર્ચઃ પશ્ચિમ ગુજરાતના કચ્છ જિલ્લાના ભચાઉ ખાતે આજે શનિવારે ભૂકંપના હળવા ઝાટકા અનુભવવામાં આવ્યા છે. આ ભૂકંપના ઝાટકાની તીવ્રતા રિએક્ટર સ્કેલ પર 4.5ની આસપાસ નોંધવામાં આવી છે. ભૂકંપના કારણે લોકોમાં દોડદામ મચી ગઇ હતી અને મહદઅંશે ગભરાહટ જેવો માહોલ પણ છવાઇ ગયો હતો.

એક ન્યૂઝ ચેનલના અહેવાલ અનુસાર ઇન્સ્ટીટ્યૂટ ઓફ સિસમોલોજિકલ રિસર્ચ(આઇએસઆર)ના મહાનિદેશક બી કે રસ્તોગીએ જણાવ્યું કે ભૂકંપ કચ્છ જિલ્લામાં ચોબુરી નજીક ભચાઉથી 22 કિમી દૂર બપોરે 12 વાગ્યાની આસપાસ અનુભવવામાં આવ્યો છે.

અહેવાલ અનુસાર ભૂકંપથી કોઇ જાનમાલનું નુક્સાન થયું હોવાની કોઇ જાણકારી નથી. આ પહેલા પણ કચ્છમાં ભૂકંપના ઝટકા આવતા રહ્યાં છે. આ ક્ષેત્ર વર્ષ 2001માં ગુજરાતમાં આવેલા ભૂકંપ દરમિયાન ગંભીર રીતે બરબાદ થઇ ગયો હતો.