ધોરણ- 10 અને 12ના પરિણામની તારીખ જાહેર, શિક્ષણ મંત્રીએ કરી ઘોષણા

ગુજરાત સ્ટેટ એજ્યુકેશન બોર્ડના વિદ્યાર્થીઓ માટે ગુડ ન્યૂજ છે. કેટલાય દિવસથી પરિણામની રાહ જોઈ રહેલા વિદ્યાર્થીઓ માટે ખાસ સમાચાર મળી રહ્યા છે. ગુજરાતના શિક્ષણ મંત્રી જીતુભાઈ વાઘાણીએ ધોરણ 10 અને ધોરણ 12 સામાન્ય પ્રવાહની પરીક્ષાના પરિણામની તારીખો જાહેર કરી દીધી છે.

શિક્ષણ મંત્રી જીતુભાઈ વાઘાણીએ ધોરણ-૧૨ સામાન્ય પ્રવાહના પરિણામ સંદર્ભે માહિતી આપતા જણાવ્યું છે કે, ગુજરાત માધ્યમિક અને ઉચ્ચતર માધ્યમિક શિક્ષણ બોર્ડનું ધોરણ-૧૨ સામાન્ય પ્રવાહ, વ્યવસાયલક્ષી પ્રવાહ, ઉ.ઉ.બુ.પ્રવાહ અને સંસ્કૃત માધ્યમનું માર્ચ-એપ્રિલ ૨૦૨૨ની પરીક્ષાનું પરિણામ આવતી કાલે તા.૦૪/૦૬/૨૦૨૨ના રોજ સવારે ૦૮:૦૦ કલાકે પ્રસિધ્ધ કરવામાં આવશે.

જીતુભાઈ વાઘાણીએ વધુમાં ઉમેર્યું કે, ધોરણ-૧૦ અને સંસ્કૃત પ્રથમાનું માર્ચ-એપ્રિલ ૨૦૨૨ની પરીક્ષાનું પરિણામ આગામી તા.૦૬/૦૬/૨૦૨૨ના રોજ સવારે ૦૮:૦૦ કલાકે પ્રસિધ્ધ કરવામાં આવશે.

English summary

Edu Minister Jitu vaghani announced date for result of GSEB 10th and 12th exams