ગાંધીનગર મ્યુનિસિપલ કોર્પોરેશનના આસિસ્ટન્ટ કમિશનર 1 લાખની લાંચ લેતા ઝડપાયા
ગાંધીનગરમાં એન્ટી કરપ્શન બ્યુરો (ACB) દ્વારા મોટી કાર્યવાહી કરવામાં આવી છે. મ્યુનિસિપલ કોર્પોરેશનના ઇન્ચાર્જ આસિસ્ટન્ટ કમિશનર ઉપેન્દ્રકુમાર સુતરીયા લાંચ લેતા પકડાયા છે.
ACBની ટીમે છટકું ગોઠવીને ક્લાસ-1 અધિકારીને રંગેહાથ ઝડપી પાડ્યા છે. આ અધિકારીએ વાહન ડીલર પાસેથી 1 લાખની લાંચની માંગણી કરી હતી.
મળતી માહિતી મુજબ, વાહન ટેક્સની અનિયમિતતા બાબતે કાયદેસરની કાર્યવાહી ટાળવા લાંચ મંગાઈ હતી. ફરિયાદીના લાયસન્સ રદ ન કરવા માટે આ મોટી રકમ માંગવામાં આવી હતી.
ફરિયાદીએ આ અંગે તાત્કાલિક ACBનો સંપર્ક કરીને સમગ્ર મામલે જાણ કરી હતી. જેના આધારે અધિકારીઓએ સુતરીયાની ઓફિસમાં જ સફળ ટ્રેપનું આયોજન કર્યું હતું.
પૈસા સ્વીકારતા જ ACBએ આરોપી અધિકારીને તાત્કાલિક કસ્ટડીમાં લઈ લીધા હતા. હાલમાં લાંચની રકમ જપ્ત કરીને આગળની તપાસ તેજ કરવામાં આવી છે.
ભ્રષ્ટાચાર નિરોધક કાયદા હેઠળ ગુનો નોંધીને વધુ પુરાવા એકત્ર કરવામાં આવી રહ્યા છે. આ ઘટનાથી મ્યુનિસિપલ કોર્પોરેશનના અન્ય અધિકારીઓમાં ફફડાટ વ્યાપી ગયો છે.
Click it and Unblock the Notifications
Sign in with Google
