તહેવારોને લઈને ગાંધીનગર કલેક્ટરે પુરવઠા, સુરક્ષા સલાહકાર સમિતિ અને તકેદારી સમિતિ સાથે બેઠક યોજી!
ગાંધીનગર જિલ્લા નાગરિક પુરવઠા અને ગ્રાહક સુરક્ષા સલાહકાર સમિતિ તથા જિલ્લા તકેદારી સમિતિની બેઠક આજે જિલ્લા ઇન્ચાર્જ કલેકટર-જિલ્લા વિકાસ અધિકારી સુરભિ ગૌત્તમના અઘ્યક્ષ સ્થાને યોજાઇ હતી.
ગાંધીનગર : ગાંધીનગર જિલ્લા નાગરિક પુરવઠા અને ગ્રાહક સુરક્ષા સલાહકાર સમિતિ તથા જિલ્લા તકેદારી સમિતિની બેઠક આજે જિલ્લા ઇન્ચાર્જ કલેકટર-જિલ્લા વિકાસ અધિકારી સુરભિ ગૌત્તમના અઘ્યક્ષ સ્થાને યોજાઇ હતી.
આ બેઠકમાં ઇન્ચાર્જ કલેકટર સુરભિ ગૌત્તમે જણાવ્યું કે, ચોમાસાની સિઝન છે તેમજ તહેવારો ચાલી રહ્યાં છે. તે સમયે ખાઘ ચીજવસ્તુઓનું વિતરણ કરતાં વેપારીઓની મીઠાઇ, ફરસાણ અને અન્ય ખાઘ ચીજવસ્તુઓની ચકાસણી કરવી જોઇએ. જિલ્લામાં કોઇપણ વેપારી ગુણવત્તા વગરની ખાધ ચીજવસ્તુઓનું વિતરણ ન કરે તેની ખાસ તકેદારી રાખવા માટે ખૌરાક અને ઔષઘ નિયમન તંત્રના અધિકારીને ભારપૂર્વક જણાવ્યું હતું.
કલેકટરએ જિલ્લામાં કરિયાણા, શાકભાજી કે અન્ય વસ્તુઓનું કે જેનું તોલમાપ કરીને ગ્રાહકોને વિતરણ કરવામાં આવે છે તેના તોલમાપના સાઘનો યોગ્ય નિયમોનુસાર છે કે નહિ તેની આકસ્મિક ચકાસણી કરવા માટે પણ કાનુની માપ વિજ્ઞાન કચેરીના અધિકારીને સૂચના આપી હતી. તેમજ શહેરમાં દૂઘ કે અન્ય ચીજવસ્તુઓનું વિતરણ છપાયેલ કિંમત કરતા વઘુ રકમે ન થાય તેની પણ ખાસ તકેદારી રાખવા જણાવ્યું હતું. તોલમાપ તંત્રને ગ્રાહકો પોતાની ફરિયાદ સરળતાથી કરી શકે તે માટે તેમના ટોલ ફ્રી નંબર કે અન્ય માઘ્યમની જાણ રેશનીંગની દુકાન, સરકારી કચેરીઓ કે અન્ય જગ્યાએ સાઇન બોર્ડ મુકી ગ્રાહકોમાં જનજાગૃત્તિ લાવવાની પ્રવૃત્તિ ખાસ કરવા જણાવ્યું હતું.
આ બેઠકમાં જિલ્લા પુરવઠા અધિકારી શ્રી એ.આર.ઠક્કરે સમિતિની સમક્ષ રેશનકાર્ડ સાથે આઘારકાર્ડ લિંક કરવાની કામગીરી, મોબાઇલ નંબર રજિસ્ટ્રેશન કરવાની કામગીરી, વિજીલન્સ કમિટીની બેઠક અંગેની વિસ્તૃત માહિતી આપી હતી.
Click it and Unblock the Notifications
Sign in with Google
