જાણો વડાપ્રધાન નરેન્દ્ર મોદીની કડકડાટ અંગ્રેજી સ્પિચનું રાજ!

Published: Sunday, January 11, 2015, 20:05 [IST]

અમદાવાદ, 11 જાન્યુઆરી: વડાપ્રધાન નરેન્દ્ર મોદી પોતાની પોતાની ભાષણ શૈલિ માટે લોકોમાં ખૂબ જ જાણીતા છે. હિન્દી ભાષામાં બોલતી વખતે વડાપ્રધાન નરેન્દ્ર મોદીના તુલે કોઇના આવી શકે. તેઓ પોતાના મોટા મોટા વિરોધીઓને ભાષણોમાં જોરદાર પછડાટ આપે છે. પરંતુ અંગ્રેજી બોલતી વખતે વડાપ્રધાન થોડા અસહજ બની જાય છે.

વડાપ્રધાન નરેન્દ્ર મોદી ટેકનોલોજીનો ઉમદા ઉપયોગ કરતા સારી રીતે જાણે છે, જેનો ઉપયોગ તેઓ અંગ્રેજીમાં પોતાના ભાષણ દરમિયાન પણ કરે છે. વડાપ્રધાન સ્પીચ ટેલીપ્રોમ્પટરના માધ્યમથી કડકડાટ અંગ્રેજીમાં પોતાની વાત લોકોની વચ્ચે રાખે છે.

ટેકનોલોજીના પ્રયોગમાં મોદી આગળ
વડાપ્રધાન જે રીતે ટેકનોલોજીનો પ્રયોગ પોતાના પ્રચાર અભિયાનમાં કરે છે કંઇક એવી જ રીતે તેઓ અંગ્રેજીમાં ભાષણ આપવા દરમિયાન કરે છે. આપને યાદ હશે કે ગુજરાત ચૂંટણી દરમિયાન અને લોકસભા ચૂંટણીના પ્રચાર દરમિયાન મોદીએ 3ડી ટેકનોલોજી દ્વારા સભાઓ કરી હતી. કંઇક એવી જ રીતે મોદી આંતરરાષ્ટ્રીય મંચ પર પણ અંગ્રેજી ભાષામાં સ્પિચ આપવા માટે ટેકનોલોજીનો ઉપયોગ કરે છે.

વડાપ્રધાન અંગ્રેજીમાં ભાષણ આપતી વખતે ટેલીપ્રોમ્પટરનો ઉપયોગ કરે છે. આ ટેકનોલોજીના માધ્યમથી વડાપ્રધાન અંગ્રેજીમાં પોતાના ભાષણને ધારદાર અને મજબૂત બનાવે છે. વાઇબ્રન્ટ ગુજરાત સમિટમાં મોદીએ લગભગ 40 મિનિટ સુધી અંગ્રેજીમાં પોતાનું ભાષણ કર્યું. સાજે જ આ ભાષણમાં તેમણે ઘણા પ્રમુખ મુદ્દાઓ પણ ઊઠાવ્યો.

કેવી રીતે કામ કરે છે આ ટેકનિક
વડાપ્રધાન જે મંચ પરથી બોલી રહ્યા હતા ત્યાં એક સ્પીચ ટેલીપ્રોમ્પટર લગાવવામાં આવેલું છે. જે પારદર્શિ ગ્લાસનું બનેલું છે જે દૂરથી લોકોને નથી દેખાતું. આ ટીપી પર ભાષણના મુખ્ય અંશ અથવા આખું ભાષણ લખેલું હોય છે. જેને કોઇ પણ વ્યક્તિ સરળતાથી વાંચી શકે છે.

ઓબામા પણ કરે છે આ ટેકનિકનો ઉપયોગ
આ ટેકનિકનો ઉપયોગ એટલા માટે કરવામાં આવે છે કે પ્રમુખ દેશોના રાષ્ટ્રપતિઓ અને વડાપ્રધાન જે કંઇ પણ વાંચીને બોલવાના હોય છે તે ખૂબ જ મહત્વનું હોય છે. ઓબામાં પોતાના ભાષણના મુખ્ય અંશ ટીપી દ્વારા જ લોકોની વચ્ચે રજૂ કરે છે જેથી કોઇ ભૂલ થવાની સંભાવના ના રહે.

Published On January 11, 2015