• search

ગુજરાત ઇન્ફ્રાસ્ટ્રકચર ડેવલપમેન્ટ બોર્ડની બેઠક: ધોલેરા SIR સ્માર્ટ સિટી બનશે

By Kumar Dushyant
Subscribe to Oneindia News
For Quick Alerts
ALLOW NOTIFICATIONS
For Daily Alerts
    modi-meeting
    ગાંધીનગર, 24 જુલાઇ: ગુજરાતના મુખ્યમંત્રી નરેન્દ્ર મોદીના અધ્યક્ષસ્થાને આજે ગુજરાત ઇન્ફ્રાસ્ટ્રકચર ડેવલપમેન્ટ બોર્ડ (GIDB) અને સ્પેશિયલ ઇન્વેસ્ટમેન્ટ રિજીયન (SIR)ની એપેક્ષ ઓથોરિટીની ઉચ્ચ સ્તરીય બેઠક મળી હતી અને ગુજરાતમાં વિશેષ કરીને ધોલેરા SIR તથા દહેજ PCPIR સહિતના ખાસ મૂડીરોકાણ ક્ષેત્રો (SIRs)ના વિકાસ માટેના સુનિશ્ચિત આયોજન અને પ્રગતિની સમીક્ષા કરવામાં આવી હતી.

    મંગળવારે ગાંધીનગર સ્વર્ણિમ સંકુલ/૧ ના તાપી સભાકક્ષમાં મળેલી આ બેઠકમાં GIDBના અધ્યક્ષ અને મુખ્યમંત્રી નરેન્દ્ર મોદીએ SIRના વિકાસ આયોજનમાં સ્થાનિક જનસમૂદાયો ખેડૂતો અને સામાન્ય માનવીના આર્થિક-સામાજિક જીવન ધોરણમાં ગૂણાત્મક પરિવર્તનને કેન્દ્રસ્થાને રાખવા પ્રેરક માર્ગદર્શન આપ્યું હતું. SIRના વિકાસથી ભવિષ્યમાં સામાન્ય માનવીને ઉપલબ્ધ થનારા અવસરો અને તકો અંગે સમજ આપવાના કાઉન્સેલિંગ અને ક્ષમતા-નિર્માણ અને કૌશલ્ય વર્ધનની તાલીમની તકો પૂરી પાડીને તેઓ આ અવસરોનો કઇ રીતે લાભ લઇ શકે તે માટે સુસજ્જ કરવાના સૂચનો પણ તેમણે કર્યા હતા.

    આ બેઠકમાં નાણાં મંત્રી નીતિનભાઇ પટેલ, મહેસૂલ મંત્રી આનંદીબેન પટેલ, ઊર્જામંત્રી સૌરભભાઇ પટેલ, કૃષિ અને જળસંસાધન મંત્રી બાબુભાઇ બોખિરીયા, મુખ્ય સચિવ ડો. વરેશ સિન્હા અને વરિષ્ઠ સચિવોએ ભાગ લીધો હતો.

    SIRના વિકાસની ભવિષ્યલક્ષી યોજનાઓ અને અવસરો માટેના સંસ્થાકિય માળખાની વ્યૂહરચના સાથે વિશેષ કરીને ધોલેરા SIR અને દહેજ PCPIRની અત્યાર સુધીની પ્રગતિની સમીક્ષા સાથે હવે પછીના રોડ-મેપ અંગે મંત્રીઓએ પ્રેરક સૂચનો કર્યા હતા.

    ધોલેરા SIRને સ્માર્ટ સિટી તરીકે વિકસાવવા ઉપરાંત ધોલેરા SIR માટે આકાર લેનારા અન્ય આનુસંગિક આધુનિકત્તમ માળખાકીય વિકાસના પ્રોજેકટ-અમદાવાદથી ધોલેરા સુધીનો એક્ષપ્રેસ વે, વીજળી અને પાણીની સુવિધાઓ તથા SIRના આંતરિક માર્ગ વિકાસના નેટવર્કની પણ સમીક્ષા કરવામાં આવી હતી. દહેજ PCPIR જે દેશના સર્વોત્તમ રાસાયણીક અને પેટ્રોલિયમ, પેટ્રોકેમિકલ્સ રિજીયન તરીકે ઉદ્યોગક્ષેત્રે વિશ્વના ઉત્તમ વિકસી રહેલા ક્ષેત્રમાં ગણમાન્ય બન્યું છે તેની માળખાકીય સુવિધાઓ અને સુવિચારિત આયોજનની સમીક્ષા દરમિયાન મુખ્યમંત્રીએ સામાન્ય માનવીના જીવનધોરણને કેન્દ્રસ્થાને રાખવાના દિશાદર્શક સૂચનો કર્યા હતા.

    ધોલેરા SIR અને દહેજ PCPIRના ડેવલપમેન્ટ પ્લાન જાહેર કરી દેવામાં આવ્યા છે અને ટી.પી. સ્કીમ (નગર રચના યોજના)ની દરખાસ્તોને મંજૂરી આજે આપવામાં આવી હતી. ધોલેરા SIRનો વિકાસ માસ્ટર પ્લાન ૮૭૯.૩૩ ચો. કી. મી. આવરી લઇને કરવામાં આવી રહયો છે અને દહેજ PCPIR ૪પર ચો. કી.મી.માં વિકસી રહ્યો છે.

    English summary
    Gujarat Chief Minister Narendra Modi chairs meeting of Gujarat Infrastructure Development Board.

    For Breaking News from Gujarati Oneindia
    Get instant news updates throughout the day.

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more