Earthquake: ગીર સોમનાથના તાલાલામાં ધરા ધ્રુજી, જાણો કેટલી હતી ભૂકંપની તીવ્રતા
Earthquake: ગીર સોમનાથ જિલ્લાના તાલાલા પંથકમાં આજે બપોરના સમયે ભૂકંપના આંચકા અનુભવાતા સ્થાનિકોમાં ભયનો માહોલ ફેલાયો હતો. રિક્ટર સ્કેલ પર આ ભૂકંપની તીવ્રતા 3.3 માપવામાં આવી છે.
બપોરે અનુભવાયો આંચકો
પ્રાપ્ત માહિતી અનુસાર, ભૂકંપનો આ આંચકો બપોરે 1.05 કલાકે અનુભવાયો હતો. આંચકાની તીવ્રતા ઓછી હોવા છતાં, અચાનક આવેલી આ ઘટનાને કારણે લોકોમાં ગભરાહટ જોવા મળ્યો હતો અને ઘણા લોકો સાવચેતીના ભાગરૂપે ઘરની બહાર દોડી આવ્યા હતા.
- તીવ્રતા: 3.3 (રિક્ટર સ્કેલ પર)
- સમય: બપોરે 1.05 કલાકે
- કેન્દ્રબિન્દુ: તાલાલાથી 14 કિલોમીટર દૂર
કોઈ નુકસાન નહીં, તંત્ર સજાગ
રાહતની વાત એ છે કે, ભૂકંપના આ આંચકામાં કોઈ જાનમાલનું નુકસાન નોંધાયું નથી. જોકે, ભૂકંપના સમાચારે સ્થાનિક લોકોમાં ફફડાટ ફેલાવી દીધો છે. ભૂકંપની ઘટના બાદ સરકારે લોકોને સાવચેતી રાખવા અને અફવાઓથી દૂર રહેવા માટે પણ સૂચના આપી છે.
ભૂકંપ ઝોન હોવાને કારણે તંત્ર દ્વારા સ્થાનિક લોકોને આવી પરિસ્થિતિમાં શું કરવું તે અંગે માર્ગદર્શન આપવામાં આવ્યું છે.
Click it and Unblock the Notifications
Sign in with Google
