જાણો તમારા ઉમેદવારને: રાજકોટ દક્ષિણથી ભાજપના ગોવિંદભાઈ પટેલ
ગુજરાતમાં રાજકીય પક્ષો દ્વારા વિધાનસભાની ચૂંટણીમાં ઉમેદવારોના નામ જાહેર કરવામાં આવ્યા હતા. જેમાં રાજકોટ દક્ષિણની સીટ પરથી ભાજપના ગોવિંદભાઈ પટેલને ટિકિટ આપવામાં આવી છે. ગોવિંદભાઈ પટેલ વિષે થોડુ જાણીએ.
ગુજરાત વિધાનસભાની ચૂંટણીમાં ભાજપનો દાવો છે કે તે એક એક બેઠક પર પોતાની નજર બનાવીને આ ચૂંટણી લડી રહી છે. વળી વિધાનસભાની સીટ પરના ઉમેદવારોની યાદી અને વિવાદો પણ આ ચૂંટણીને વધારે રસપ્રદ બનાવી રહ્યા છે, ત્યારે 20 નવેમ્બરના ભાજપ દ્વારા ઉમેદવારોની ત્રીજી યાદી બહાર પાડવામાં આવી છે. આ યાદીમાં રાજકોટ દક્ષિણની વિધાનસભા સીટ પરના ઉમેદવાર તરીકે ગોવિંદભાઈ પટેલની પસંદગી કરવામાં આવી છે. તો ગોવિંદભાઈ પટેલ વિષે થોડુ જાણીએ. ગોવિંદભાઈનો જન્મ 7 ઓગસ્ટ, 1949ના રોજ જામનગર જિલ્લાના કાલાવાડ તાલુકામાં થયો હતો. ગોવિંદભાઈના પિતાનું નામ ઉકાભાઈ પટેલ છે. ગોવિંદભાઈ પટેલે 2007માં પહેલી વખત વિધાનસભાની ચૂંટણી લડી હતી. તેઓ ગુજરાત સરકારમાં કૃષિમંત્રી પણ રહી ચુક્યા છે.
ગોવિંદભાઈ પટેલ હાલ અહીંના ધારાસભ્ય છે અને તેમણે 2012ની ચૂંટણીમાં કોંગ્રેસના ડોંગા મીતુલ હિંમતભાઈને હરાવ્યા હતા. myneta.in પરથી મળતી માહિતી અનુસાર ગોવિંદભાઈએ બી.કોમ સુધી અભ્યાસ કર્યો છે. તેમની પત્નીનું નામ કાંતાબેન છે તેમને એક પુત્ર અને ચાર પુત્રીઓ છે. 2012માં તેમણે પોતાની સંપત્તિ 2.8 કરોડની આસપાસ જણાવી હતી, તો તેમનો મુખ્ય વ્યવસાય ખેતી છે. તેમના પર કોઈ પણ પ્રકારની ગુનાહિત કેસ નથી નોંધાયો.
Click it and Unblock the Notifications
Sign in with Google
