શહેરી વિકાસ માટે ૧૬ હજાર કરોડથી વધુના ૯૨૭ વિકાસ કાર્યો મંજૂર કરાયા
શહેરી વિકાસના લક્ષ્યાંકને હાંસલ કરવા માટે રાજ્યની તમામ મહાનગરપાલિકાઓ અને નગરપાલિકાઓમાં પાયાની માળખાકીય સુવિધાઓને મજબૂત બનાવવા માટે કેન્દ્ર અને રાજ્ય સરકાર દ્વારા બહુ મોટી રકમ ફાળવવામાં આવી છે.
અમૃત ૨.૦ (AMRUT 2.0) મિશન હેઠળ કુલ ૧૬,૩૧૬ કરોડથી વધુના ૯૨૭ પ્રોજેક્ટ્સને મંજૂરી આપવામાં આવી છે, જે શહેરીજનોના જીવનધોરણમાં સુધારો લાવશે.
૦૭ થી ૧૫ ઓક્ટોબર દરમિયાન રાજ્યમાં વિકાસ સપ્તાહની ઉજવણી કરવામાં આવી રહી છે, જેમાં આ મેગા પ્રોજેક્ટ્સની જાહેરાત કરવામાં આવી છે.
અટલ મિશન ફોર રેજ્યુવેનેશન એન્ડ અર્બન ટ્રાન્સફોર્મેશન (AMRUT) ભારત સરકારની એક મુખ્ય યોજના છે, જેનો હેતુ શહેરી વિસ્તારોમાં મૂળભૂત સેવાઓ જેવી કે પાણી પુરવઠો, ગટર વ્યવસ્થા અને ગ્રીન સ્પેસ (બાગ-બગીચા)ને મજબૂત બનાવવાનો છે.
અમૃત ૧.૦ ૨૫ જૂન ૨૦૧૫ના રોજ શરૂ થઈ. ગુજરાતના ૮ મહાનગરપાલિકા સહિત કુલ ૩૧ શહેરોનો સમાવેશ. અમૃત ૨.૦ ૧ ઓક્ટોબર ૨૦૨૧ના રોજથી અમલમાં છે અને આ યોજના હેઠળ હવે રાજ્યની તમામ મહાનગરપાલિકાઓ અને નગરપાલિકાઓને આવરી લેવામાં આવી છે.
અમૃત ૨.૦ મિશન હેઠળ ગુજરાતના શહેરોમાં માળખાકીય સુવિધાઓ માટે કુલ ૧૬,૩૧૬ કરોડથી વધુની રકમ મંજૂર કરવામાં આવી છે. આ ફંડિંગમાં કેન્દ્ર, રાજ્ય અને સ્થાનિક સંસ્થાઓ (ULB)નો સહયોગ સામેલ છે.
જેમાં કેન્દ્ર સરકારનો ફાળો ૪,૫૦૪ કરોડ છે, જ્યારે રાજ્ય સરકારે ૫,૫૯૭ કરોડ ફાળવ્યા છે. બાકીની રકમ એટલે કે ૬,૨૧૫ કરોડ અર્બન લોકલ બોડી (ULB) દ્વારા પૂરી પાડવામાં આવશે. આ સંયુક્ત પ્રયાસ ગુજરાતના શહેરી વિકાસને નવી ગતિ આપશે.
Click it and Unblock the Notifications
Sign in with Google
