ગુજરાત બોર્ડ ધોરણ 12 અને GUJCET 2024નું પરિણામ જાહેર, આ રીતે ચકાસો

GSHSEB result 2024, GUJCET 2024 Result: ગુજરાત બોર્ડ દ્વારા ધોરણ-12 સામાન્ય પ્રવાહ અને વિજ્ઞાન પ્રવાહની પરીક્ષાઓનું પરિણામ 9મી મે 2024ના રોજ સવારે 9.00 કલાકે જાહેર કરવામાં આવ્યું છે.

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર દ્વારા એક અખબારી યાદીમાં જણાવવામાં આવ્યું છે કે, આ વર્ષે માર્ચમાં લેવાયેલી ધોરણ-12ની બોર્ડની પરીક્ષાઓ સહિત વિજ્ઞાન અને સામાન્ય પ્રવાહની પરીક્ષાઓના પરિણામો 9 મે 2024 ના રોજ સવારે 9 વાગ્યે www.GSEB.org વેબસાઇટ પર જાહેર કરવામાં આવ્યું છે.

વિદ્યાર્થીઓ સીટ નંબર નાખીને તેમનું પરિણામ મેળવી શકશે. વિદ્યાર્થીઓ પોતાનો સીટ નંબર Whatsapp નંબર 6357300971 પર મોકલીને પણ પરિણામ મેળવી શકશે.

અખબારી યાદીમાં વધુમાં જણાવાયું છે કે, GUJCET - 2024 અને સંસ્કૃત માધ્યમના પરિણામો પણ તે જ તારીખે (9મી મે, સવારે 9 વાગ્યે) જાહેર કરવામાં આવ્યું છે.

GSHSEB એ વધુમાં જણાવ્યું કે, શાળાઓને માર્કશીટ, પ્રમાણપત્રો મોકલવાની વિગતો પછીથી શેર કરવામાં આવશે. આજે ગાંધીનગરના GS&HSEB ના ઉપાધ્યક્ષ ડી.એસ.પટેલ દ્વારા આ વિમોચન જારી કરવામાં આવ્યું હતું.

English summary

Gujarat Board Class 12 and GUJCET 2024 Result Declared, Check Here