Gujarat By Elections 2020: ભાજપ અને કોંગ્રેસે ઉમેદવારોની યાદી જાહેર કરી દીધી
Gujarat By Elections 2020: ભાજપ અને કોંગ્રેસે ઉમેદવારોની યાદી જાહેર કરી દીધી
ગાંધીનગરઃ રવિવારે ભાજપ અને કોંગ્રેસે ગુજરાતમાં થનાર વિધાનસભાની પેટા ચૂંટણી માટે પોતાના ઉમેદવારોની એક યાદી જાહેર કરી દીધી છે. જણાવી દઈએ કે ભાજપે ગુજરાતની સાથે જ ઝારખંડ, મણિપુર અને ઓરિસ્સાના ઉમેદવારોની યાદી પણ જાહેર કરી દીધી છે. ભાજપે એક પ્રેસ નોટ રિલીઝ કરી ઉમેદવારોના નામની ઘોષણા કરી હતી. જણાવી દઈએ કે દેશની 56 વિધાનસભા સીટ પર 3થી 7 નવેમ્બરે પેટાચૂંટણી થશે.
ગુજરાતમાં ભાજપે આ ઉમેદવારોના નામ જાહેર કર્યાં
ગુજરાતની આઠ સીટ પર પેટા ચૂંટણી થનાર છે. ભાજપે ગુજરાત માટે પોતાના તમામ ઉમેદવારોની યાદી જાહેર કરી દીધી છે. અબડાસા સીટથી ડૉ પ્રદ્યુમ્ન સિંહ જાડેજા, ગઢડા (આરક્ષિત) સીટ પરથી આત્મારામ પરમાર, કરજણથી અક્ષય પટેલ, મોરબીથી બ્રિજેશ મિર્જા, ધારીથી જેબી કાકડિયા, ડાંગથી (આરક્ષિત) વિજય પટેલ, કપરાડાથી (આરક્ષિત) જીતુભાઈ ચૌધરીને ભાજપે પોતાના ઉમેદવાર બનાવ્યા છે.
કોંગ્રેસના ઉમેદવારોની પહેલી યાદી જાહેર
જ્યારે કોંગ્રેસની વાત કરીએ તો કોંગ્રેસે પણ રવિવારે પોતાના પાંચ ઉમેદવારોની પહેલી યાદી જાહેર કરી દીધી છે. મળી રહેલી માહિતી મુજબ ગઢડાથી કોંગ્રેસે મોહન સોલંકી, અબડાસાથી શાંતિલાલ સેંઘાણી, ધારીથી સુરેશ કોટડિયા, મોરબીથી જેન્તી પટેલ, કરજણથી ધર્મેશ પટેલનું નામ જાહેર કરવામાં આવ્યું છે.
વિધાનસભા પેટા ચૂંટણી 2020: કોંગ્રેસે જારી કરી યુપી-ઝારખંડ માટે ઉમેદવારોની લિસ્ટ