Gujarat BY-Election: ગુજરાત વિધાનસભા પેટા ચૂંટણી - 11 કલાક સુધીમાં 22.28 ટકા મતદાન

Updated: Tuesday, May 7, 2024, 12:42 [IST]

Gujarat BY-Election: ગુજરાતની 25 લોકસભા બેઠકો માટે 7મી મે એટલે કે આજે મતદાન શરૂ થઈ ગયું છે. અહીં સાંજે 6 વાગ્યા સુધી મતદાન ચાલશે. સુરત લોકસભા બેઠક પરથી ભાજપના ઉમેદવાર મુકેશ દલાલે બિનહરીફ ચૂંટણી જીતી છે.

લોકસભા ચૂંટણી સાથે સાથે ગુજરાતની 5 વિધાનસભા બેઠક માટે પણ પેટાચૂંટણી યોજાઇ રહી છે. જેમાં વિજાપુર, ખંભાત, પોરબંદર, વાઘોડિયા અને માણાવદર વિધાનસભા બેઠક પર મતદાન થઇ રહ્યું છે.

ગુજરાત વિધાનસભાની પેટાચૂંટણી મતદાન દ્વારા સવારે 11 વાગ્યા સુધીમાં મતદાનની વાત કરવામાં આવે તો, વિજયપુરમાં 23.06 ટકા, ખંભાતમાં 23.84 ટકા, પોરબંદરમાં 19.00 ટકા, વાઘોડિયામાં 24.60 ટકા અને માણાવદરમાં 20.90 ટકા મતદાન નોંધાયું છે.