કમલા બેનીવાલે મોદીની હાજરીમાં ડાંગ ખાતે કર્યુ ધ્વજવંદન

ડાંગ, 26 જાન્યુઆરી: 26મી જાન્યુઆરી એટલે પ્રજાસત્તાક દિવસ. આજે ભારતનો 64મો પ્રજાસત્તાક દિવસ છે. આજના દિવસે ભારતનું પોતાનું બંધારણ અમલમાં આવ્યું હતું. આજના દિવસે દેશભરમાં રાષ્ટ્રીય તહેવાર જેવો માહોલ છે. દિલ્હીના રાજપથ ખાતે વિવિધ કાર્યક્રમો તેમજ દેશના સાંસ્કૃતિક વારસાને ઉજાગર કરતી ઝાંખીઓ દર્શાવાઇ રહી છે. પ્રજાસત્તાક દિવસની ઉજવણી ગુજરાત સરકારે ડાંગ જિલ્લામાં રાખવામાં આવી હતી. ડાંગ ખાતે ગુજરાતના રાજ્યપાલ કમલા બેનિવાલે મુખ્યમંત્રી નરેન્દ્ર મોદીની હાજરીમાં રાષ્ટ્રધ્વજને હવામાં લહેરાવ્યો હતો અને ધ્વજવંદન કર્યું હતું.

ધ્વજવંદન માટે નરેન્દ્ર મોદીએ પહેલા હાજર રહી રાજ્યપાલને સલામી મંચ તરફ લઇ ગયા હતા. ત્યારબાદ કમલા બેનીવાલે મોદીની હાજરીમાં રાષ્ટ્રીય ધ્વજ લહેરાવ્યો હતો અને બંનેએ રાષ્ટ્રગાનનું સંગીત વાગ્યું ત્યાં સુધી તિરંગાને સલામી આપી હતી.

ત્યારબાદ રાજ્યપાલે ગણતંત્ર માટેની પરેડનું નિરિક્ષણ કર્યું હતું. જેમાં એસઆરપી, પોલીસ, નાગરિક સંરક્ષણ દળ, રક્ષાશક્તિ યુનિવર્સિટીના તાલિમાર્થીઓ મળીને 11 પ્લેટુન્સમાં 600 જેટલા જવાનાએ પરેડ નિરિક્ષણ કરાવ્યું હતું. રાજ્યપાલ દ્વારા પરેડ નિરિક્ષિણ થઇ ગયા બાદ તેઓ અને મુખ્યમંત્રીએ પોતાના મુળ સ્થાને બિરાજ્યા હતા, અને ત્યારબાદ માર્ચ પાસ્ટ અને ગુજરાતની સંસ્કૃતિને ઉજાગર કરતી વિવિધ ઝાંખીઓનું પ્રદર્શન કારાયું હતું. તેમજ વિવિધ કાર્યક્રમો યોજાયા હતા.

રાજ્યપાલ અને મુખ્યમંત્રીની તિરંગાને સલામી અને અન્ય કાર્યક્રમો જુઓ વીડિયોમાં...

English summary

In presence of Narendra Modi Kamala Beniwal at the Republic Day Flag Hoisting Ceremony in Dang District.