ગુજરાતના CM વિજય રૂપાણીએ લગાવ્યો ચૂંટણી પંચ પર આરોપ
ગુજરાતના મુખ્યમંત્રી વિજય રૂપાણી ચૂંટણી પંચ પર આરોપ લગાવ્યો છે. ઉલ્લેખનીય છે કે ગુજરાતની વિધાનસભાની તારીખો પર કોંગ્રેસના આક્ષેપના જવાબમાં તેમણે પણ વર્ષ 2012ની એક ઘટના જણાવી છે
હિમાચલ પ્રદેશ સાથે ચૂંટણી પંચે, ગુજરાતની ચૂંટણી તારીખો જાહેર ન કરવા પર જ્યાં એક તરફ કોંગ્રેસે પીએમ મોદી અને ચૂંટણી પંચ પર આરોપ લગાવ્યો છે. ત્યાં જ હવે આ મામલે ગુજરાતના મુખ્યમંત્રી વિજય રૂપાણીએ વળતો પ્રહાર કર્યો છે. અને ચૂંટણી પંચ પર આરોપ મૂક્યો છે. તેમણે આરોપ લગાવ્યો છે કે 2012માં ચૂંટણીમાં કોંગ્રેસની મદદ કરવા માટે ચૂંટણી પંચે એક સાથે ગુજરાત અને હિમાચલ પ્રદેશની ચૂંટણીની જાહેરાત કરી હતી. રુપાણીએ કહ્યું કે 2012માં પીએમ મોદીને કામ કરતા રોકવા માટે ચૂંટણી પંચે કોંગ્રેસના કહેવા પર મોડલ કોડ ઓફ કંડક્ટ લાગુ કર્યો હતો. જેનાથી રાજ્ય સરકાર વિકાસના કામો પૂરા ના કરી શકે. ઉલ્લેખનીય છે કે તે વખતના ચૂંટણી પંચના અધ્યક્ષ વીએસ સંપથે 3 ઓક્ટોબરના રોજ ગુજરાત અને હિમાચલ પ્રદેશમાં સાથે ચૂંટણી કરવાની જાહેરાત કરી હતી. રૂપાણીએ કહ્યું કે તે વખતે આદર્શ આચાર સંહિતા 83 દિવસો સુધી ચાલ્યા હતા.
જો કે સામે પક્ષે તે વખતના ચૂંટણી પંચના અધ્યક્ષ વીએસ સંપથે પણ રૂપાણીના આ તમામ આરોપો પર જવાબ આપતા તેને પોકળ ગણાવ્યા છે. તેમણે કહ્યું છે કે ચૂંટણી પંચ હંમેશા સ્વતંત્ર અને ઉત્તમ પરંપરાનું પાલન કરે છે. અને તે ક્યારેય પણ પોતાના સંવૈધાનિક કર્તવ્યોથી દૂર નથી જતી. ઉલ્લેખનીય છે કે 2012માં પણ જ્યારે ગુજરાત અને હિમાચલ પ્રદેશની ચૂંટણી તારીખોની સાથે જાહેરાત કરવામાં આવી હતી ત્યારે વિવાદ થયો હતો. અને ત્યારે પણ ગુજરાતને લાભ અપાવવા માટે ચૂંટણી પંચને જવાબદાર ગણાવવામાં આવ્યો હતો. ત્યારે માનવામાં આવે છે કે પીએમ મોદીના ગુજરાત પ્રવાસ પછી લાભપાંચમની આસપાસ ચૂંટણી પંચ ગુજરાતની આવનારી વિધાનસભાની ચૂંટણીની તારીખો જાહેર કરશે.
Click it and Unblock the Notifications
Sign in with Google
