હાર્દિક પટેલની પત્રકાર પરિષદ થઈ રદ્દ, કોંગ્રેસ બાબતે રહસ્ય ઘેરાયું

હાર્દિક પટેલની પ્રેસ કોન્ફર્ન્સ થઇ રદ્દ. ત્યારે તેના અને કોંગ્રેસ વચ્ચે કંઇ બાબતે વિવાદ ચાલી રહ્યો છે તે વાતે સસ્પેન્શ સર્જાયું છે.

સૂત્રો દ્વારા માહિતી પ્રાપ્ત થઈ રહી છે કે આજે હાર્દિક પટેલ એક પત્રકાર પરિષદ યોજીને મોટો ખુલાસો કરવાનો હતો. પણ તે પત્રકાર પરિષદ હવે રદ્દ કરવામાં આવી છે અને ચર્ચા ચાલી રહી છેકે હાર્દિક પોતે જ અંગત રીતે હવે કોંગ્રેસ સાથે ચર્ચા કરી રહ્યો છે. અને આ ચર્ચાની શું ફળશ્રુતિ આવે છે જોઇને જ ત્યાર બાદ જ તે મોટી જાહેરાત કરશે. ઉલ્લેખનીય છે કે છેલ્લા બે દિવસથી જે ઘટનાક્રમ કોંગ્રેસે ફાળવેલી ટીકિટ બાબતે ચાલી રહ્યો છે. જે રીતે કોંગ્રેસે પાસના ઉમેદવારોના નામ જાહેર કર્યા અને ત્યાર બાદ પાસ કન્વીનર દિનેશ બાંભણિયાએ તથા પાસ સમર્થકોએ ઉમેદવારો માટે જે હોબાળો મચાવ્યો તે ઘટના ટોક ઓફ ટ ટાઉન બની હતી.

જેમાં દિનેશ બાંભણિયાએ જણાવ્યુ હતુ કે તેમણે કોંગ્રેસ પાસે ટિકીટ માંગી જ નથી છતાં પાસના લોકોને ટિકીટ આપી છે. હાર્દિકે બોટાદના ઉમેદવારના મનહર પટેલના મુદ્દે કોંગ્રેસ સાથે ચર્ચા કરશે તેવું સૂત્રો દ્વારા જણાવાઈ રહ્યું છે. આ સમગ્ર ઘટનામાં શું રંધાઈ રહ્યુ છે તેનો ક્યાસ કાઢી શકાતો નહોતો. અને તમામ મદાર હાર્દિક શું કહે છે તેન પર હતો જ્યારે હાર્દિકની પ્રેસ કોન્ફરન્સ રદ્દ થઈ છે ત્યારે ફરી એક વાર મોટી જાહેરાતનું રહસ્ય વઘું ઘેરું બન્યુ છે.

English summary

Gujarat Election : Hardik Patel Press conference cancelled .Read here why.