મંગળવારે ગુજરાતમાં ધોરણ 10નું પરિણામ : વિદ્યાર્થીઓ બેચેન
ગાંધીનગર, 2 જૂન : ગુજરાત રાજ્ય માધ્યમિક શિક્ષણ બોર્ડ દ્વારા 3 જૂન, 2014 એટલે કે મંગળવારે ધોરણ 10નું પરિણામ જાહેર થવાનું છે. પરિણામ પૂર્વે સમગ્ર ગુજરાત રાજ્યમાં ભારે ઉત્તેજના છવાયેલ છે. ખાસ કરીને વિદ્યાર્થીઓમાં પોતાનું પરિણામ શું આવશે તે અંગે બેચેની જોવા મળી છે.
ઉલ્લેખનીય છે કે ગત માર્ચ મહિનામાં લેવામાં આવેલી ધોરણ 10ની પરીક્ષાનું પરિણામ આવતીકાલે સવારે 10 કલાકે રાજ્યના શિક્ષણ મંત્રી ભૂપેન્દ્રસિંહ ચુડાસમાના હસ્તે અમદાવાદ ખાતેથી જાહેર કરવામાં આવનાર છે.
આ વર્ષે ગુજરાત રાજ્યમાં ધોરણની પરીક્ષા કુલ 9,75,892 વિદ્યાર્થીઓએ આપી હતી. ધોરણ 10ના તમામ પ્રશ્નપત્ર સહેલા નિકળતા પરિણામ ઊંચું જવાની શક્યતા બળવતર બની છે.
ધોરણ 10ની પરીક્ષામાં ગુજરાતી મિડીયમના 9,87,527, અંગ્રેજી માધ્યમમાં 48,351, મરાઠી ભાષાના 6,283 તેમજ હિન્દી ભાષાના 21,241 વિદ્યાર્થીઓએ પરીક્ષા આપી હતી. શિક્ષણ બોર્ડ દ્વારા આવતીકાલે સવારે વેબસાઇટ www.gseb.org અને બપોરે 11 કલાકથી તમામ શાળાઓમાં માર્કશીટનું વિતરણ કરવામાં આવશે.
Click it and Unblock the Notifications
Sign in with Google
