CM ભૂપેન્દ્ર પટેલના હસ્તે 24મી ડિસેમ્બરે રાજકોટ ખાતેથી ગુજરાત જ્ઞાન ગુરુ ક્વિઝ (G3Q) 2.0નું લોન્ચિંગ કરાશે
ક્વીઝમાં ભાગ લેવા ઈચ્છુક સ્પર્ધકો 24 ડિસેમ્બરથી www.g3q.co.in (G3Q 2.0 પોર્ટલ) પરથી રજીસ્ટ્રેશન કરાવી શકશે
સમગ્ર ક્વિઝનું ત્રણ કેટેગરીમાં આયોજન
•ધોરણ 9 થી 12 શાળા કક્ષાના વિદ્યાર્થીઓની કેટેગરી,
•કોલેજો અને યુનિવર્સિટી કક્ષાના વિદ્યાર્થીઓની કેટેગરી અને
•અન્ય પ્રજાજન (18 અને તેથી ઉપરના નાગરિકોની કેટેગરી )
તાલુકા સ્તરે કુલ 10 રાઉન્ડ અને દર બે રાઉન્ડ બાદ જિલ્લા કક્ષાએ બમ્પર ક્વિઝ રમાશે
તાલુકા સ્તરે દરેક રાઉન્ડમાં 1500 વિજેતા અને બમ્પર રાઉન્ડમાં 396 વિજેતાઓને ડીબીટી દ્વારા ઇમાન અપાશે
ગુજરાત જ્ઞાન ગુરુ ક્વિઝ (G3Q) 2.0 વિશે માહિતી આપતા પ્રવક્તા મંત્રી ઋષિકેશ પટેલે જણાવ્યું હતું કે, રાજ્યનો યુવા વિદ્યાર્થી વધુ તેજસ્વી, પ્રતિભાશાળી, જ્ઞાન સમૃદ્ધ બની ગુજરાતને સંપુર્ણપણે જાણી આત્મનિર્ભર ગુજરાતની પહેલ સાથે દ્રઢતાથી જોડાઈ શકે તે હેતુથી "ગુજરાત જ્ઞાન ગુરૂ ક્વિઝ (G3Q) 2.0"નું આયોજન કરવામાં આવ્યું છે.
મુખ્યમંત્રી ભૂપેન્દ્ર પટેલ તા.24મી ડીસેમ્બર, 2023ના રોજ રાજકોટ ખાતેથી આ ક્વિઝનો શુભારંભ કરાવશે.
ગુજરાત જ્ઞાન ગુરુ ક્વિઝ(G3Q 2.0)માં સ્પર્ધકને ત્રણ કેટેગરીમાં વહેંચવામાં આવ્યા છે જેમાં ધોરણ 9 થી 12 શાળા કક્ષાના વિદ્યાર્થીઓની કેટેગરી, કોલેજો અને યુનિવર્સિટી કક્ષાના વિદ્યાર્થીઓની કેટેગરી અને 18 અને 18 વર્ષથી ઉપરના નાગરિકોની કેટેગરી રાખવામાં આવી છે. આ ત્રણ કેટેગરીમાં ભાગ લેવા ઈચ્છુક સ્પર્ધક www.g3q.co.in (G3Q 2.0 પોર્ટલ) પર પોતાના મોબાઈલ, ટેબ્લેટ અથવા કોમ્પ્યુટરથી રજીસ્ટ્રેશન કરાવી શકશે.
રજીસ્ટ્રેશન થયા બાદ સબંધિત શાળા/કૉલેજ/યુનિવર્સિટીના વિદ્યાર્થીઓની ખરાઈ વિજેતાની સબંધિત શાળા/કૉલેજ/યુનિવર્સિટીએ www.g3q.co.in (G3Q 2.0 પોર્ટલ) પર કરવાની રહેશે. જેનું User ID & Password આપવામાં આવશે. જેમાં login થઈને સબંધિત શાળા/કૉલેજ/યુનિવર્સિટી વિદ્યાર્થીઓની ઓળખાણ, ફોટો આઈ ડી અને બેંકની ખરાઈ કરીને Approved અથવા Reject કરવાના રહેશે. મહત્વનું છે કે, Approved થયેલા વિદ્યાર્થીઓ જ www.g3q.co.in (G3Q 2.0 પોર્ટલ) પર ક્વિઝ રમી શકશે. આમ, સ્પર્ધક www.g3q.co.in (G3Q 2.0 પોર્ટલ) લોગ ઇન થઈને પોતાના મોબાઈલ/ટેબ્લેટ/કોમ્પ્યુટરથી ક્વિઝ રમી શકશે
G3Q 2.0નાં લોન્ચિંગ કાર્યક્રમમાં અંદાજીત 3000 થી 4000 વિદ્યાર્થીઓને ક્વિઝ રમાડવામાં આવશે. જેમાં શાળા કક્ષાના પ્રથમ વિજેતાને રૂ.15,000/-, દ્વિતીયને રૂ.10,000/-, તૃતિય વિજેતાને રૂ.7,000/- તેમજ ચોથા ક્રમથી પચ્ચીસમાં ક્રમના કુલ ૨૨ વિજેતાને રૂ.2,500/-ના રકમનું ઈનામ આપવામાં આવશે. તેમજ કૉલેજ કક્ષાના પ્રથમ વિજેતાને રૂ.25,000/-, દ્વિત્ય વિજેતાને રૂ.20,000/-, તૃતિય વિજેતાને રૂ.15,000/- તેમજ ચોથા ક્રમથી પચ્ચીસમાં ક્રમના કુલ ૨૨ વિજેતાને રૂ.5,000૦/- ની રકમનું ઈનામ આપવામાં આવશે.
ગુજરાત જ્ઞાન ગુરુ ક્વિઝ (G3Q) 2.0માં 10 અઠવાડિયાની ક્વિઝ દરમ્યાન દર 02 રાઉન્ડ બાદ 01 બમ્પર ક્વિઝ યોજવામાં આવશે આમ કુલ 05 બમ્પર ક્વિઝ યોજાશે. બમ્પર ક્વિઝમાં શાળા કક્ષાની કેટેગરી તથા કૉલેજ/યુનિવર્સિટી કેટેગરીના કોઈપણ સ્પર્ધક ઓનલાઈન રમી શકશે. આ બમ્પર ક્વિઝ્ના પ્રતિ જિલ્લા 12 વિજેતાઓ(06 શાળા કક્ષા + 06 કૉલેજ કક્ષા) જાહેર કરવામાં આવશે. જેમાં, પ્રતિ જિલ્લા શાળા કક્ષાના 06 વિજેતાઓને પ્રતિ વિજેતા દીઠ રૂ.5000/- તથા કૉલેજ/યુનિવર્સિટી કક્ષાના 06 વિજાતાઓને પ્રતિ વિજેતા દીઠ રૂ.7000/-ના ઇનામને પાત્ર થશે.
આ ઉપરાંત બમ્પર ક્વિઝના તમામ વિજેતાઓને નજીકના જિલ્લાના ઉદ્યોગો, જોવાલાયક ઐતિહાસિક સ્થળો જેવા કે, રિલાયન્સ, બોમ્બાર્ડ, મારુતિ સુઝુકી, વેલસ્પન, મુન્દ્રા પોર્ટ, હઝીરા પોર્ટ, દહેઝ, GNFC, GSFC, વડનગર, દ્વારકા, રાણકી વાવ, સોમનાથ, SOU, અમુલ ડેરી, બનાસ ડેરી, સાયન્સ સીટી, મહાત્મા મંદિર, વગેરે જેવા તથા અન્ય સ્થળોની એક દિવસીય ટુરનું આયોજન કરવામાં આવશે.
10 અઠવાડિયાના અંતે G3Q 2.0 નું Grand Finaleમાં 10 અઠવાડિયાના શાળા કક્ષાના 5,000 વિજેતાઓ અને કૉલેજ કક્ષાના 5,000 વિજેતાઓ આમ કુલ 10,000 વિજેતાઓ Online અથવા Offline ભાગ લેશે.
જેમાં પ્રતિ જિલ્લા પ્રમાણે 06 વિજેતાઓ(03 શાળા કક્ષા + 03 કૉલેજ કક્ષા) જાહેર કરવામાં આવશે. જેમાં 33 જિલ્લાના શાળા,કોલેજ, અને યુનિવર્સિટીના કક્ષાના કુલ 198 વિજેતાઓને રૂ. 3,63,00,000ના ઈનામ આપવામાં આવશે.
G3Q 2.0નું સમાપન અમદાવાદ ખાતે થશે. આમ, તા: 24/12/2023થી લઈને કુલ 10 અઠવાડિયા માટે આ ક્વિઝ રમાડવામાં આવશે. 10 અઠવાડિયા સુધી દર રવિવાર થી શુક્રવાર(06 દિવસ) સુધી સવારના 08:00 વાગ્યાથી રાત્રીના 12:00 વાગ્યા સુધી ક્વિઝ રમી શકાશે.
Click it and Unblock the Notifications
Sign in with Google
