તિસ્તા સેતલવાડને ગુજરાત HCથી મોટો ઝટકો, જલ્દી સરેંડર કરવાનો આપ્યો આદેશ

ગુજરાત હાઈકોર્ટે શનિવારે તિસ્તા સેતલવાડની નિયમિત જામીન અરજી ફગાવી દેતાં તેને "તત્કાલિક સરેંડર" કરવાનો નિર્દેશ આપ્યો હતો. તિસ્તા પર 2002 પછીના ગોધરા રમખાણો સંબંધિત કેસોમાં પુરાવા સાથે કથિત રીતે ચેડા કરવાનો અને સાક્ષીઓને તાલીમ આપવાનો આરોપ છે.

સામાજિક કાર્યકર તિસ્તા સેતલવાડને ગુજરાત હાઈકોર્ટ તરફથી મોટો ઝટકો લાગ્યો છે. તેની જામીન અરજી ફગાવી દેતાં કોર્ટે તેને તાત્કાલિક સરેંડર કરવાનો આદેશ આપ્યો હતો.

આ સાથે જ ગુજરાત હાઈકોર્ટે સેતલવાડના વકીલની સુપ્રીમ કોર્ટમાં જવાના આદેશ પર સ્ટે મૂકવાની વિનંતીને પણ ફગાવી દીધી છે. જણાવી દઈએ કે સપ્ટેમ્બર 2022માં તિસ્તા સેતલવાડને સુપ્રીમ કોર્ટે વચગાળાના જામીન દ્વારા ધરપકડથી બચાવી હતી, ત્યારબાદ તેને જ્યુડિશિયલ કસ્ટડીમાંથી મુક્ત કરવામાં આવી હતી.

જાણો શું છે મામલો?

તિસ્તા સેતલવાડ અને ભૂતપૂર્વ ટોચના કોપ આરબી શ્રીકુમારની કથિત રીતે નકલી પુરાવા, ખોટુ અને ગુનાહિત કાવતરું ઘડવા બદલ ધરપકડ કરવામાં આવી હતી. 2002ના ગુજરાત રમખાણોના કેસમાં સુપ્રીમ કોર્ટ દ્વારા વચગાળાના જામીન મળ્યા બાદ સપ્ટેમ્બર 2022માં તિસ્તાને ગુજરાતની સાબરમતી જેલમાંથી મુક્ત કરવામાં આવી હતી.

ગુજરાત એટીએસ દ્વારા નોંધવામાં આવેલી એફઆઈઆરમાં એ પણ જણાવાયું છે કે તિસ્તા સેતલવાડ દ્વારા સાક્ષીઓના ખોટા નિવેદનો તૈયાર કરવામાં આવ્યા હતા અને રમખાણોની તપાસ માટે રચાયેલા નાણાવટી કમિશન સમક્ષ દાખલ કરવામાં આવ્યા હતા.

FIR મુજબ સેતલવાડ અને શ્રીકુમારે ખોટા પુરાવાઓ બનાવીને કાયદાની પ્રક્રિયાનો દુરુપયોગ કરવાનું કાવતરું ઘડ્યું હતું અને નિર્દોષ વ્યક્તિઓ સામે ખોટી અને દૂષિત ફોજદારી કાર્યવાહી શરૂ કરી હતી.

English summary

Gujarat High Court ordered Teesta Setalvad to surrender