Gujarat Public Examination Bill 2023 : પેપર લીકના ગુનામાં થશે 10 વર્ષની કેદ, 1 કરોડનો દંડ

Gujarat Public Examination Bill 2023 : ગુજરાત સરકારના પ્રવક્તા ઋષિકેશ પટેલે જણાવ્યું હતું કે, હવે રાજ્યમાં ચાલતી તમામ માધ્યમ અને બોર્ડની શાળાઓમાં ધોરણ 1 થી 8માં ગુજરાતી ભાષા ફરજિયાતપણે ભણાવવાની રહેશે.

Updated: Thursday, February 23, 2023, 10:41 [IST]

Gujarat Public Examination Bill 2023 : ગુજરાતમાં સંચાલિત તમામ શાળામાં હવે ગુજરાતી ભાષા ફરજિયાતપણે ભણાવવી પડશે. સરકાર બજેટ સત્ર (Gujarat Budget 2023)માં એક બિલ લાવવા જઇ રહી છે. જેના દ્વારા ધોરણ 8 સુધી તમામ માધ્યમો અને બોર્ડની શાળામાં આ નિયમ લાગુ કરવામાં આવશે.

આ સાથે સરકાર પેપર લીક જેવી ઘટનાઓ રોકવા માટે પણ એક કાયદો લાગુ કરશે, જેમાં પેપર લીકના ગુનામાં 10 વર્ષની સજા અને 1 કરોડ રૂપિયાના દંડની જોગવાઇ કરવામાં આવશે.

બજેટ સત્રમાં આ બિલ લાવશે સરકાર (Gujarat Budget 2023)

ગુજરાત સરકારના પ્રવક્તા ઋષિકેશ પટેલે જણાવ્યું હતું કે, હવે રાજ્યમાં ચાલતી તમામ માધ્યમ અને બોર્ડની શાળાઓમાં ધોરણ 1 થી 8માગુજરાતી ભાષા ફરજિયાતપણે ભણાવવાની રહેશે.

ગુજરાત હાઈકોર્ટમાં દાખલ કરાયેલી જાહેર હિતની અરજીની સુનાવણી દરમિયાન હાઈકોર્ટેસરકારને આ મામલે તમામ વિદ્યાર્થીઓને ગુજરાતી ભાષા શીખવવાની ફરજિયાત વ્યવસ્થા કરવા પણ જણાવ્યું હતું. સરકાર ગુરુવારથી શરૂથઈ રહેલા બજેટ સત્રમાં આ બિલ લાવશે.

પેપર લીકના ગુનામાં કડક કાયદો લાવવાની તૈયારી

પેપર લીકની ઘટનાઓને અટકાવવા માટે સરકાર કડક કાયદો લાવશે, ગુજરાત પબ્લિક એક્ઝામિનેશન (અનિયમિતતા પર નિયંત્રણ માટે)બિલ-2023 વિધાનસભામાં રજૂ કરવામાં આવશે, જેમાં પેપર લીક કરનારાઓને સાતથી 10 વર્ષની સજાની જોગવાઈ હશે. આ સાથે એકકરોડ રૂપિયા સુધીના દંડની જોગવાઈ પણ હશે.

ઉલ્લેખનીય છે કે, રાજ્યમાં એક પછી એક સ્પર્ધાત્મક પરીક્ષાના પેપર લીક થયા બાદ સરકારે આ પગલું ભર્યું છે. ગયા મહિને 29જાન્યુઆરીના રોજ પેપર લીક થવાને કારણે જુનિયર ક્લાર્કની પરીક્ષા રદ્દ કરવી પડી હતી. આ પહેલા પણ ઘણી સ્પર્ધાત્મક પરીક્ષાના પેપરફુટી ચૂક્યા છે અને પરીક્ષાઓ રદ્દ કરવાની ફરજ પડી છે.

10 વર્ષની કેદની સાથે 1 કરોડ રૂપિયાના દંડની જોગવાઈ

Gujarat Public Examination Bill 2023માં 22 જોગવાઈઓ છે, જે અંતર્ગત સંગઠિત થઈને પેપર લીક કરનારા તત્વો સામે કડકકાર્યવાહી સુનિશ્ચિત કરી શકાય છે. તેમાં 7 થી 10 વર્ષની સજા સાથે 1 કરોડ રૂપિયાના દંડનો ઉલ્લેખ છે. આ બિલમાં પેપર ખરીદનારાઓનેકાયદાકીય કાર્યવાહીના દાયરામાં લાવવાનું કહેવામાં આવ્યું છે.

જો Gujarat Public Examination Bill 2023 કોઈપણ સુધારા વિના વિધાનસભા દ્વારા પસાર કરવામાં આવે છે, તો આશરે પેપરલીક કરનારાઓને મહત્તમ 10 વર્ષની જેલની સાથે 1 કરોડ રૂપિયાનો દંડ ભરવો પડશે. જો ઉમેદવાર પેપર લીક કરવા માટે દોષી સાબિતથશે, તો તે આગામી બે વર્ષ સુધી કોઈ પરીક્ષા આપી શકશે નહીં.