Gujarat Rain : ગુજરાતમાં છેલ્લાં 24 કલાકમાં 232 તાલુકાઓમાં વરસાદ, સૂત્રાપાડામાં સૌથી વધુ 8 ઇંચ
Gujarat Rain : છેલ્લા ૨૪ કલાકમાં ગુજરાત રાજ્યના 33 જિલ્લાના 232 તાલુકાઓમાં હળવોથી ભારે વરસાદ જોવા મળ્યો છે.
સ્ટેટ ઇમરજન્સી ઓપરેશન સેન્ટર (SEOC) ગાંધીનગરના આંકડા અનુસાર, આ સમયગાળા દરમિયાન ગીર સોમનાથ જિલ્લાના સૂત્રાપાડા તાલુકામાં સૌથી વધુ ૮ ઇંચ (ઈંચ) વરસાદ નોંધાયો છે.
ગુજરાતમાં હાલમાં સારો એવો વરસાદ નોંધાયો છે. સૂત્રાપાડા સિવાય રાજ્યના અન્ય વિસ્તારોમાં પણ નોંધપાત્ર વરસાદ પડ્યો છે, જેમાં વલસાડના કપરાડા અને ઉમરગામ, ગીર સોમનાથના પાટણ-વેરાવળ, અને જૂનાગઢના માંગરોળમાં ૪ ઇંચથી વધુ વરસાદ થયો છે.
આજે ૨૯ સપ્ટેમ્બર, ૨૦૨૫ના સવારે ૬:૦૦ કલાક સુધીમાં રાજ્યમાં મોસમનો કુલ સરેરાશ વરસાદ ૧૧૫.૧૦ ટકા નોંધાયો છે. વિસ્તાર પ્રમાણે જોઇએ તો, સૌથી વધુ સરેરાશ વરસાદ કચ્છમાં (૧૪૦.૨૩ ટકા) અને સૌથી ઓછો સરેરાશ વરસાદ સૌરાષ્ટ્રમાં (૧૦૧.૯૬ ટકા) નોંધાયો છે.
SEOCના અહેવાલ અનુસાર, સવારે ૮:૦૦ કલાક સુધીમાં નર્મદા ડેમ ૯૭.૩૨ ટકા ભરાયેલો છે, જ્યારે રાજ્યના અન્ય ૨૦૬ જળાશયો તેમની કુલ સંગ્રહ ક્ષમતાના ૯૫.૧૦ ટકા જેટલા ભરાયા છે.
ભારે વરસાદને કારણે રાજ્યના ૧૪૬ ડેમ હાઇ એલર્ટ પર છે, જ્યારે અન્ય ૧૭ ડેમ એલર્ટ અને ૧૪ ડેમ માટે વોર્નિંગ જાહેર કરવામાં આવી છે.
Click it and Unblock the Notifications
Sign in with Google
