Gujarat Rain : ગુજરાતમાં વરસાદની મેરેથોન ઈનિંગ, આજે 13 જિલ્લામાં વરસાદનું એલર્ટ
Gujarat Rain : ગુજરાતમાં હાલ ચોમાસું જામ્યું છે અને રાજ્યભરમાં મેઘ મહેર જોવા મળી રહી છે. હવામાન વિભાગે આગામી દિવસો માટે રાજ્યના વિવિધ ભાગોમાં ભારેથી અતિભારે વરસાદની આગાહી કરી છે.
હવામાન વિભાગે 13 જિલ્લામાં એલર્ટ જાહેર કર્યુ છે. છેલ્લા 24 કલાકમાં રાજ્યના 181 તાલુકાઓમાં વરસાદ નોંધાયો છે, જે દર્શાવે છે કે વરસાદની સિસ્ટમ સક્રિય છે.
હાલ ગુજરાતમાં એકસાથે ચાર વરસાદી સિસ્ટમ સક્રિય હોવાથી સારો વરસાદ થઈ રહ્યો છે. હવામાન વિભાગના જણાવ્યા અનુસાર, આજે (શુક્રવાર, 27 જુલાઈ 2025) રાજ્યના ત્રણ જિલ્લામાં ભારેથી અતિભારે વરસાદની શક્યતા છે.
ખાસ કરીને, સાબરકાંઠા, અરવલ્લી અને મહિસાગર જિલ્લામાં અતિથી અતિભારે વરસાદની આગાહી કરવામાં આવી છે. આ ઉપરાંત, બનાસકાંઠા, પાટણ, મહેસાણા અને સુરેન્દ્રનગર જિલ્લા માટે વરસાદનું ઓરેન્જ એલર્ટ જાહેર કરવામાં આવ્યું છે, જે સૂચવે છે કે આ વિસ્તારોમાં પણ ભારે વરસાદ પડી શકે છે.
હવામાન વિભાગે 26 થી 31 જુલાઈ દરમિયાન રાજ્યના વિવિધ ભાગોમાં ભારેથી અતિભારે વરસાદની આગાહી કરી છે. જેમાં મુખ્યત્વે દક્ષિણ ગુજરાત, મધ્ય ગુજરાત અને સૌરાષ્ટ્રના કેટલાક વિસ્તારોમાં ભારે વરસાદની સંભાવના વ્યક્ત કરવામાં આવી છે.
ખેડૂતો અને સામાન્ય જનતાને આ વરસાદી માહોલને ધ્યાનમાં રાખીને સાવચેતી રાખવા અપીલ કરવામાં આવી છે. નીચાણવાળા વિસ્તારોમાં પાણી ભરાવાની શક્યતા હોવાથી સ્થાનિક તંત્રને પણ એલર્ટ રહેવા સૂચના આપવામાં આવી છે.
Click it and Unblock the Notifications
Sign in with Google
