Gujarat Rain: ભારે વરસાદના કારણે નર્મદા નદીમાં ભારે પૂર, હવામાન વિભાગે કરી આગાહી
Gujarat Rain: ગુજરાતમાં શનિવારથી ભારે વરસાદ થઇ રહ્યો છે. રવિવારના રોજ પણ રાજ્યમાં ઘણા વિસ્તારોમાં ભારે વરસાદ નોંધાયો હતો. ભારતીય હવામાન વિભાગના જણાવ્યા અનુસાર, રાજ્યમાં આજે પણ રાજ્યમાં જૂનાગઢ, પોરબંદર અને ગીર-સોમનાથમાં ભારે વરસાદ નોંધાયો છે.
હવામાન વિભાગ દ્વારા અનુસાર, આજે (સોમવાર) આગામી 3 કલાક દરમિયાન અમદાવાદ, મહેસાણા, ગાંધીનગર, પાટણ, બનાસકાંઠા, સાબરકાંઠા, અરવલી, મહિસાગર, પંચમહાલ, ખેડા, આણંદ, વડોદરા, દાહોદ, છોટા ઉદેપુર, ભરૂચ, નર્મદા, સુરત, તાપી , દેવભૂમિ દ્વારકા, જામનગર, મોરબી, સુરેન્દ્રનગર, રાજકોટ, અમરેલી, બોટાદ, ભાવનગર, કચ્છ અને દીવ જિલ્લામાં હળવા વરસાદની શક્યતા છે.
આવા સમયે, ગુજરાતના ભરૂચમાં સતત વરસાદને કારણે નર્મદા નદીમાં વધારો થયો છે. નિકોરા ગામના નીચાણવાળા વિસ્તારમાં ઘણા લોકો ફસાયેલા છે. એનડીઆરએફની ટીમ લોકોને બચાવવા માટે બચાવ કામગીરી કરી રહી છે.
રવિવારે રાજ્યના 4 તાલુકામાં 8 ઈંચથી વધુ, 7 તાલુકામાં 7 ઈંચથી વધુ, 11 તાલુકામાં 6 ઈંચથી વધુ, 15 તાલુકામાં 5 ઈંચથી વધુ વરસાદ નોંધાયો છે. તેવી જ રીતે 20 તાલુકાઓમાં 4 ઈંચથી વધુ વરસાદ, 38 તાલુકાઓમાં 3 ઈંચથી વધુ અને 63 તાલુકાઓમાં 2 ઈંચથી વધુ વરસાદ નોંધાયો છે. જ્યારે પાટણ તાલુકામાં સાંજના 4 થી 6 વાગ્યાના બે કલાક દરમિયાન અઢી ઈંચ વરસાદ નોંધાયો છે.
રાત્રે 8 થી 10 વાગ્યા સુધીના વરસાદના આંકડાઓ પર નજર કરીએ, તો આ બે કલાકના સમયગાળામાં રાજ્યના કુલ 83 તાલુકાઓમાં વરસાદ પડ્યો છે. જેમાં ગાંધીનગરના દહેગામમાં સૌથી વધુ 29 મીમી વરસાદ નોંધાયો છે. આ ઉપરાંત સુરેન્દ્રનગરના દસાડામાં 22 મીમી અને અરવલ્લીના બાયડમાં 20 મીમી વરસાદ નોંધાયો છે.
રાજ્યમાં ભારે વરસાદને કારણે ગોધરા અને શહેરામાં જનજીવન ખોરવાઈ ગયું છે. રસ્તા પર પાણી ભરાવાના કારણે વાહન ચાલકોને ભારે હાલાકીનો સામનો કરવો પડી રહ્યો છે. આવા સમયે ઘણા નીચાણવાળા વિસ્તારોમાં, લોકોના ઘરોમાં વરસાદી પાણી ભરાઈ ગયા છે અને મોટા પ્રમાણમાં નુકસાન થયું છે.
રાજ્યમાં ભારે વરસાદને કારણે ગોધરા અને શહેરામાં જનજીવન ખોરવાઈ ગયું છે. રસ્તા પર પાણી ભરાવાના કારણે વાહન ચાલકોને ભારે હાલાકીનો સામનો કરવો પડી રહ્યો છે. આવા સમયે, ઘણા નીચાણવાળા વિસ્તારોમાં, લોકોના ઘરોમાં વરસાદી પાણી ભરાઈ ગયા છે અને મોટા પ્રમાણમાં નુકસાન થયું છે.
Click it and Unblock the Notifications
Sign in with Google
