Gujarat Weather Alert : હવે ઉનાળો અસલી રંગમાં આવશે, અંબાલાલ પટેલની મોટી આગાહી
Gujarat Weather Alert : ગુજરાતમાં ઉનાળાએ હવે તેનો અસલી રંગ દેખાડવાનું શરૂ કરી દીધું છે. હવામાન વિભાગ અને હવામાન નિષ્ણાત અંબાલાલ પટેલે રાજ્ય માટે મહત્વપૂર્ણ આગાહી કરી છે.
આગાહી અનુસાર, આગામી સાત દિવસો દરમિયાન રાજ્યમાં વાતાવરણ શુષ્ક રહેશે અને ગરમી સતત વધતી રહેશે.
હવામાન નિષ્ણાત અંબાલાલ પટેલે આગાહી કરી છે કે આગામી ચાર દિવસોમાં રાજ્યમાં તાપમાનમાં 2 થી 3 ડિગ્રી સેલ્સિયસનો વધારો નોંધાઈ શકે છે. ખાસ કરીને રાજકોટ અને અમદાવાદ જેવા શહેરોમાં તાપમાન વધુ ઊંચે જવાની શક્યતા છે.
રાજકોટમાં હાલમાં 38.3 ડિગ્રી સેલ્સિયસ તાપમાન નોંધાયું છે, જ્યારે અમદાવાદમાં મહત્તમ તાપમાન 39 ડિગ્રી સેલ્સિયસની આસપાસ રહેવાની શક્યતા છે.
આગાહી અનુસાર, માર્ચ મહિનામાં રાજ્યનું વાતાવરણ સતત બદલાતુ રહેશે. 20 એપ્રિલ પછી રાજ્યમાં વધુ તીવ્ર ગરમી પડવાની શક્યતા છે. 26 મે સુધી રાજ્યના કેટલાક વિસ્તારોમાં આંધી અને વંટોળની શક્યતા પણ વ્યક્ત કરવામાં આવી છે.
ભારતીય હવામાન વિભાગના જણાવ્યા અનુસાર, છેલ્લા 125 વર્ષમાં ફેબ્રુઆરી મહિનામાં એટલી તીવ્ર ગરમી જોવા મળેલ નથી. આ વખતે વહેલી હિટવેવ અને તીવ્ર ગરમીના કારણે રાજ્યના લોકો માટે ઉનાળાની સીઝન વધુ પ્રભાવશાળી બની શકે છે. દેશના 22 રાજ્યો અને કેન્દ્રશાસિત પ્રદેશોમાં રાત્રિ તાપમાન સામાન્ય કરતા 3 થી 5 ડિગ્રી વધુ નોંધાયું છે, જે એક ચિંતાજનક પરિસ્થિતિ દર્શાવે છે.
Click it and Unblock the Notifications
Sign in with Google
