Gujarat Weather Alert : હવે ગરમી ખરો રંગ દેખાડશે, હવામાન વિભાગની દઝાડતી આગાહી
Gujarat Weather Alert : ગુજરાતમાં ઉનાળાની શરૂઆતથી જ ગરમીએ તેનો ખરો રંગ દેખાડવાનું શરૂ કરી દીધું છે. હવે હવામાન વિભાગે દઝાડતી આગાહી કરી છે.
હવામાન વિભાગની તાજેતરની આગાહી અનુસાર, આવનારા દિવસોમાં ગરમીનો પારો વધુ ઉંચો જશે અને રાજ્યના લોકોને દઝાડતી ગરમીનો સામનો કરવો પડશે. ખાસ કરીને મે મહિનો અત્યંત તપાવનારો રહેશે, જેમાં તાપમાન 45 ડિગ્રી સેલ્સિયસ સુધી પહોંચી શકે છે.
હવામાન વિભાગના જણાવ્યા મુજબ, 27 એપ્રિલ પછી તાપમાનમાં 2 થી 3 ડિગ્રીનો વધારો થશે. ગુજરાતના મોટાભાગના જિલ્લાઓમાં તાપમાન 44 ડિગ્રીની આસપાસ રહેવાની શક્યતા છે.
આગાહી અનુસાર, રાજકોટ અને કચ્છ જિલ્લાઓમાં ગરમીનો પ્રકોપ વધુ તીવ્ર રહેશે, જ્યાં તાપમાન અન્ય વિસ્તારોની સરખામણીએ વધુ ઊંચું રહી શકે છે. આગામી સાત દિવસ સુધી ગરમીમાં સતત વધારો થવાની આગાહી છે, જેના કારણે લોકોને ગરમીથી રાહત મળવાના કોઈ અણસાર દેખાતા નથી.
આ તીવ્ર ગરમીના કારણે લોકોને બપોરના સમયે બહાર નીકળવાનું ટાળવાની સલાહ આપવામાં આવી છે. નિષ્ણાતોનું કહેવું છે કે, પુષ્કળ પાણી પીવું, હળવા કપડાં પહેરવા અને શરીરને હાઇડ્રેટેડ રાખવું અત્યંત જરૂરી છે. ખાસ કરીને બાળકો અને વૃદ્ધોને ગરમીની અસરથી બચાવવા વધુ કાળજી લેવાની જરૂર છે.
અહીં તમને એ પણ જણાવી દઈએ કે, મેં મહિનો શરૂ થતા પ્રી મોન્સુન એક્ટિવિટી શરૂ થઈ જાય છે. જેના કારણે વાતાવરણમાં ફેરફાર જોવા મળે છે. આ સમયગાળા દરમિયાન ભારે પવન પણ જોવા મળે છે. મેં મહિનો પુરો થતા જ ભારતમાં ચોમાસાની એન્ટ્રી થઈ જાય છે.
Click it and Unblock the Notifications
Sign in with Google
