ગુજરાતમાં ઠંડીનો ચમકારો, રાજ્યનું સૌથી ઠંડુ શહેર બન્યું નલિયા, જાણો હવામાન વિભાગની આગાહી

By Desk

Published: Thursday, January 15, 2026, 9:08 [IST]

Gujarat Weather: ગુજરાતમાં છેલ્લા કેટલાક દિવસોથી પવનોની દિશામાં થયેલા ફેરફારને કારણે ઠંડીનો પારો ગગડ્યો છે. રાજ્યના મોટાભાગના શહેરોમાં ઠંડીનો ચમકારો અનુભવાઈ રહ્યો છે, જેમાં કચ્છનું નલિયા 5.2 ડિગ્રી લઘુત્તમ તાપમાન સાથે રાજ્યનું સૌથી ઠંડું શહેર નોંધાયું છે.

રાજ્યના મુખ્ય શહેરોનું તાપમાન

પવનોની દિશા ઉત્તર તરફની થતા ઠંડીમાં વધારો થયો છે. રાજ્યના વિવિધ શહેરોમાં નોંધાયેલું લઘુત્તમ તાપમાન નીચે મુજબ છે.

ઉત્તર ભારતમાં હાડ થીજવતી ઠંડી અને શીતલહેરની આગાહી

માત્ર ગુજરાત જ નહીં, પરંતુ સમગ્ર ઉત્તર ભારતમાં ઠંડી નવા રેકોર્ડ સર્જી રહી છે. પહાડી વિસ્તારોમાં થયેલી હિમવર્ષાને કારણે મેદાની પ્રદેશોમાં ગાત્રો થીજવતી ઠંડી પડી રહી છે.

શીતલહેરની ચેતવણી: હવામાન વિભાગે આગામી બે દિવસ રાજસ્થાન, પંજાબ, હરિયાણા અને દિલ્હીમાં શીતલહેરની (Cold Wave) આગાહી કરી છે.
ધુમ્મસનું જોખમ: ઉત્તર-પશ્ચિમ ભારત અને બિહારમાં આગામી પાંચ દિવસ વહેલી સવારે ગાઢ ધુમ્મસ છવાયેલું રહેશે, જેના કારણે વિઝિબિલિટી પર અસર પડી શકે છે.

દિલ્હીના આયાનગરમાં પારો 2.9 ડિગ્રી સુધી નીચે ઉતરી ગયો છે.

આ વર્ષે શિયાળો કેમ 'નરમ' રહ્યો?

નિષ્ણાતોના મતે, આ વર્ષે ગ્લોબલ વોર્મિંગ અને 'અલ નિનો' ની અસરને કારણે શિયાળાની તીવ્રતા ઓછી જોવા મળી છે. સામાન્ય રીતે ડિસેમ્બરમાં હિમાલયમાં મજબૂત 'વેસ્ટર્ન ડિસ્ટર્બન્સ' સર્જાતા હોય છે, જે આ વખતે નબળા રહ્યા છે. પરિણામે પહાડો પર ઓછી હિમવર્ષા થઈ અને મેદાની વિસ્તારો સુધી ઠંડા પવનો જોઈએ તેટલી ઝડપે પહોંચ્યા નથી.

ગ્લોબલ વોર્મિંગની સ્પષ્ટ અસર

છેલ્લા કેટલાક વર્ષોના ડેટા પર નજર કરીએ તો ગુજરાતમાં શિયાળાની પેટર્ન બદલાઈ રહી છે.

નલિયાનો રેકોર્ડ: ગત વર્ષે ડિસેમ્બરમાં નલિયામાં 22 વખત તાપમાન 10 ડિગ્રીથી નીચે ગયું હતું, જેની સરખામણીએ આ વર્ષે માત્ર 4 જ વાર પારો 10 ડિગ્રીથી નીચે ઉતર્યો છે.
અમદાવાદની સ્થિતિ: અમદાવાદમાં પણ ગત વર્ષની સરખામણીએ આ વખતે ગરમ દિવસોની સંખ્યા વધુ રહી છે.

Published On January 15, 2026