ફેબ્રુઆરી મહિનામાં કેટલુ બદલાશે વાતાવરણ? આવી ગઈ આગાહી
ગુજરાતના વાતાવરણમાં છેલ્લા કેટલાક દિવસોથી સતત ફેરફાર જોવા મળી રહ્યા છે. વેસ્ટર્ન ડિસ્ટર્બન્સના કારણે હાલમાં રાજ્યમાં ડબલ સીઝન જેવો માહોલ અનુભવાઈ રહ્યો છે.
હવામાન વિભાગના જણાવ્યા અનુસાર ફેબ્રુઆરીના બીજા સપ્તાહમાં ઠંડીનું જોર વધી શકે છે. ઉત્તર ભારતમાં સક્રિય થનારા પવનોને કારણે લઘુત્તમ તાપમાનમાં ઘટાડો નોંધાશે.
હિમાલયના પર્વતીય વિસ્તારોમાં ત્રણ નવા વેસ્ટર્ન ડિસ્ટર્બન્સ સક્રિય થવાની સંભાવના વ્યક્ત કરાઈ છે. જેના કારણે ઉત્તર ભારતમાં ભારે હિમવર્ષા અને વરસાદની શક્યતા છે.
આગામી ૧૩ ફેબ્રુઆરીએ બીજું અને ૧૬ ફેબ્રુઆરીની આસપાસ ત્રીજું ડિસ્ટર્બન્સ ત્રાટકશે. આ પ્રક્રિયાને લીધે દેશના મેદાની વિસ્તારોમાં ઠંડીના પવનો ફૂંકાવાનું શરૂ થશે.
ગુજરાતમાં હાલ પૂર્વના પવનો ફૂંકાઈ રહ્યા હોવાથી હવામાન સૂકું રહેવાની ધારણા છે. જોકે ૧૪ ફેબ્રુઆરી સુધી રાજ્યના તાપમાનમાં કોઈ મોટો ફેરફાર જોવા નહીં મળે.
બીજી તરફ હવામાન નિષ્ણાત અંબાલાલ પટેલે રાજ્યમાં કમોસમી વરસાદની આગાહી કરી છે. ૧૨ ફેબ્રુઆરી આસપાસ પશ્ચિમી વિક્ષોભના કારણે વાતાવરણમાં પલટો આવી શકે છે.
અંબાલાલ પટેલના મતે ૧૪ ફેબ્રુઆરી બાદ મધ્યમ કક્ષાનું વેસ્ટર્ન ડિસ્ટર્બન્સ સક્રિય થશે. જેના કારણે ગુજરાતના કેટલાક ભાગોમાં વાદળછાયું વાતાવરણ સર્જાવાની પૂરી શક્યતા છે.
ફેબ્રુઆરીના અંતમાં અને માર્ચની શરૂઆતમાં ફરી એકવાર વાતાવરણમાં મોટો પલટો આવશે. આ સમયગાળા દરમિયાન રાજસ્થાન અને ગુજરાતમાં માવઠું થવાની શક્યતા નકારી શકાય તેમ નથી.
હાલમાં દિવસની ગરમી અને રાત્રિની ઠંડીના કારણે લોકોના સ્વાસ્થ્ય પર માઠી અસર પડી રહી છે. બદલાતા હવામાન વચ્ચે તકેદારી રાખવી નાગરિકો માટે અત્યંત જરૂરી બની છે.
Click it and Unblock the Notifications
Sign in with Google
