Gujarat Weather: ગુજરાતમાં 48 કલાકમાં ચોમાસાની એન્ટ્રી, આગામી 7 દિવસ વરસાદની આગાહી
Gujarat Weather: દક્ષિણ ગુજરાતમાં આગામી 48 કલાકમાં ચોમાસુ દસ્તક દઈ શકે છે. રાજ્યમાં હજુ સાત દિવસ વરસાદની આગાહી કરવામાં આવી છે. દક્ષિણ ગુજરાતના લગભગ તમામ જિલ્લાઓમાં આજે વરસાદની સંભાવના છે.
હવામાન વિભાગના જણાવ્યા મુજબ આજે દક્ષિણ ગુજરાતમાં મહીસાગર, ભરૂચ, સુરત, ડાંગ, નવસારી, દાહોદ, વડોદરા, છોટાઉદેપુર, નર્મદા, વલસાડ, તાપી, દમણ, દાદરાનગર હવેલી તેમજ જૂનાગઢ, ભાવનગર, ગીર સોમનાથ, બોટાદ, દીવમાં વરસાદની આગાહી છે.
હવામાન વિભાગની આગાહી મુજબ રાજ્યોમાં પ્રી-મોનસુન એક્ટિવિટી શરુ થઈ ગઈ છે. સૌરાષ્ટ્ર રવિવાર સાંજથી વાતાવરણ પલટાયુ હતુ. ભાવનગરમાં ધૂળની આંધી સાથે ભારે પવન ફૂંકાતા ઝીરો વિઝિબિલિટી થઈ ગઈ હતી. ગીરના તુલસીશ્યામમાં દોઢ ઈંચ વરસાદ નોંધાયો હતો. અમરેલીના બાબરામાં બે કલાકમાં 3 ઈંચ વરસાદ વરસ્યો હતો.
રવિવારે ગુજરાતમાં 14થી વધુ જિલ્લા અને 35 તાલુકામાં વરસાદ થયો હતો. જેમાંથી પાંચ તાલુકામાં 1 ઈંચથી વધુ વરસાદ થયો હતો. ચાર લોકોના મોત નીપજ્યા હતા. ભરુચમાં ભારે પવનથી ઝાડ પડતા 3 લોકોના મોત થયા હતુ. વડોદરામાં વીજળી પડતા એકનુ મોત થયુ હતુ.
આઈએમડી મુજબ આવતીકાલે દક્ષિણ અને ઉત્તર ગુજરાતમાં વરસાદની આગાહી છે. 12 અને 13 જૂને પણ હળવા વરસાદની આગાહી કરવામાં આવી છે. આજે અમદાવાદ અને ગાંધીનગરમાં પણ વરસાદની વકી છે. 12 જૂને નર્મદા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, અમરેલી, ભાવનગરમાં વરસાદની આગાહી છે. 13 જૂને નર્મદા, સુરત, ડાંગ, નવસારી, વલસાડ, દમણ, દાદરા નગર હવેલી, અમરેલી, ભાવનગરમાં વરસાદની સંભાવના છે.
14 જૂને સુરત, નવસારી, વલસાડ, દમણ, દાદરા નગર હવેલી, અમરેલી, ભાવનગર, ગીર, સોમનાથ, દીવમાં વરસાદ થઈ શકે છે. વળી, 15 જૂને નવસારી, વલસાડ, દમણ, દાદરા નગર હવેલી, અમરેલી અને ગીર સોમનાથમાં વરસાદની આગાહી છે. 16 જૂને નવસારી, દમણ, દાદરા નગર હવેલી, અમરેલી, ગીર સોોમનાથમાં વરસાદની આગાહી છે.
Click it and Unblock the Notifications
Sign in with Google
