Gujarat Winter: રાજ્યમાં પહેલીવાર ઠંડીનો પારો 7 ડિગ્રીએ પહોંચ્યો, જાણો તમારા શહેરની સ્થિતિ
Gujarat Weather: ગુજરાતમાં જાન્યુઆરીની શરૂઆત થતાની સાથે જ શિયાળાએ અસલી મિજાજ બતાવવાનું શરૂ કર્યું છે. રાજ્યમાં પવનોની દિશામાં થયેલા ફેરફારને કારણે ઠંડીનો પારો ગગડ્યો છે, જેના કારણે જનજીવન પ્રભાવિત થયું છે. ચાલુ સિઝનમાં પ્રથમવાર લઘુતમ તાપમાન 7 ડિગ્રી સુધી પહોંચતા કચ્છ અને સૌરાષ્ટ્રમાં લોકો ઠૂંઠવાયા છે.
ક્યાં કેટલી ઠંડી નોંધાઈ?
રાજ્યમાં સૌથી ઓછું તાપમાન કચ્છના નલિયામાં 7 ડિગ્રી આસપાસ નોંધાયું છે. રાજકોટમાં પણ પારો ગગડીને 9.4 ડિગ્રી પર સ્થિર થયો છે, જેના કારણે સૌરાષ્ટ્રમાં કડકડતી ઠંડીનો અનુભવ થઈ રહ્યો છે. અન્ય શહેરોની વિગત નીચે મુજબ છે.
- ગાંધીનગર: 13.2 ડિગ્રી
- અમદાવાદ: 14.1 ડિગ્રી
- ડીસા: 11.1 ડિગ્રી
- ભુજ અને પોરબંદર: 11.4 ડિગ્રી
- કેશોદ: 10.3 ડિગ્રી
- સુરેન્દ્રનગર: 11.0 ડિગ્રી
- ભાવનગર: 14.0 ડિગ્રી
અમદાવાદ-ગાંધીનગરમાં ઠંડી વધશે
હવામાન વિભાગના જણાવ્યા અનુસાર, આગામી દિવસોમાં અમદાવાદ અને ગાંધીનગર જેવા મહાનગરોમાં પણ ઠંડીનું જોર વધશે. આ શહેરોમાં લઘુતમ તાપમાન 15 ડિગ્રીથી નીચે રહેવાની શક્યતા છે. વહેલી સવારે અને મોડી રાત્રે પવનોના કારણે ઠંડીનો ચમકારો વધુ વર્તાશે, જેથી નાગરિકોને ગરમ કપડાં સાથે સાવચેત રહેવા સલાહ આપવામાં આવી છે.
આગામી 7 દિવસ કેવી રહેશે સ્થિતિ?
હવામાન વિભાગની આગાહી મુજબ, આગામી 4 જાન્યુઆરી સુધી તાપમાનમાં કોઈ મોટો ફેરફાર થશે નહીં. જોકે, ત્યારબાદ તાપમાનમાં 2થી 3 ડિગ્રીનો નજીવો વધારો થવાની શક્યતા છે, જેનાથી લોકોને કડકડતી ઠંડીમાંથી થોડી રાહત મળી શકે છે. તેમ છતાં, સૌરાષ્ટ્ર અને કચ્છના અંતરિયાળ વિસ્તારોમાં રાત્રિ દરમિયાન લઘુતમ તાપમાન નીચું જ રહેશે.
વાતાવરણમાં ભેજનું પ્રમાણ અને ઉત્તર-પૂર્વીય પવનોની ગતિ આગામી દિવસોમાં ઠંડીનું જોર નક્કી કરશે. અત્યારે તો સમગ્ર રાજ્યમાં વહેલી સવારે 'કોલ્ડ વેવ' જેવી સ્થિતિ જોવા મળી રહી છે.
Click it and Unblock the Notifications
Sign in with Google
