અમદાવાદમાં મહિલા પીડિત પુરુષો માટે હેલ્પલાઇન શરૂ
અમદાવાદ, 10 જૂન : ઘરેલુ અને અન્ય કારણોસર કાયદાકીય સમસ્યાઓમાં ઘેરાયેલા પુરુષોના માર્ગદર્શન અને પરામર્શ માટે એક હેલ્પલાઇનનું લોકાર્પણ કરવામાં આવ્યું છે.
જે પુરુષો કાયદા સંબંધિત મુશ્કેલીઓનો સામનો કરી રહ્યા છે, તેમને સુરક્ષા આપવાના પ્રયાસ અંતર્ગત 'સેવ ઇન્ડિયન ફેમિલી' (એસઆઇએફ) 50 બિન સરકારી સંસ્થાઓના સમૂહે પોતાના ગુજરાત એકમ અને 'હેલ્પલાઇન'નું લોકાર્પણ કર્યું છે. આ હેલ્પલાઇન શરૂ કરવાનો હેતુ શોષિત પુરુષો અથવા તો મહિલા પીડિત પુરુષોની મદદ કરવાનો છે.
'એસઆઇએફ વન હોપ ફોર મેન' હેલ્પલાઇન નંબર સાથે શરૂ થઇ ગઇ છે. જેના કારણે નંબર હવે અમદાવાદ શહેરના તણાવગ્રસ્ત અને પીડિત પુરુષોની પહોંચમાં આવી ગયો છે.
આ હેલ્પલાઇન અંગે પુરુષ અધિકાર કાર્યકર્તા અને એનજીઓ 'નેશનલ કોલિઝન ફોર મેન'ના અધ્યક્ષ અમિત ગુપ્તાએ જણાવ્યું કે જ્યારે મહિલાઓ સાથે કશુંક ખોટું થાય છે ત્યારે તેમને સુરક્ષા પ્રદાન કરવામાં આવે છે. તો શા માટે પુરુષો સાથે પણ આવું કરવામાં નથી આવતું? જેશના 62 કરોડ પુરુષોને પણ સુરક્ષા આપવી જોઇએ.