બજાર ખુલતાની સાથે જ શેરબજારમાં ધડાકો, સેન્સેક્સ-નિફ્ટી તુટ્યા
સપ્તાહના પ્રથમ દિવસે ભારતીય શેરબજારમાં મોટો કડાકો જોવા મળ્યો છે. સોમવારે કારોબાર શરૂ થતાની સાથે જ સેન્સેક્સ અને નિફ્ટી બંને ઇન્ડેક્સ લાલ નિશાનમાં ખુલ્યા હતા.
બીએસઈ સેન્સેક્સ આજે 800 અંકથી વધુ તૂટીને 73,732ના સ્તરે પહોંચ્યો હતો. એનએસઈ નિફ્ટીમાં પણ 290 પોઈન્ટનો ઘટાડો નોંધાયો અને તે 22,824 પર ટ્રેડ કરતો દેખાયો.
આ પહેલા શુક્રવારે બજારમાં તેજીનો માહોલ રહ્યો હતો અને સેન્સેક્સ વધારા સાથે બંધ થયો હતો. જોકે, આજની નબળી શરૂઆતે રોકાણકારોની ચિંતામાં મોટો વધારો કરી દીધો છે.
ગયા સપ્તાહે ટેક મહિન્દ્રા અને ટાટા સ્ટીલ જેવા શેરોમાં સારી ખરીદી જોવા મળી હતી. બીજી તરફ એચડીએફસી અને આઈસીઆઈસીઆઈ જેવી બેન્કોના શેરમાં વેચવાલીનું દબાણ જોવા મળ્યું હતું.
નિફ્ટી આઈટી અને એફએમસીજી સેક્ટરમાં ગત ટ્રેડિંગ સેશનમાં સારી રિકવરી જોવા મળી હતી. પરંતુ બેન્કિંગ સેક્ટરના નબળા દેખાવને કારણે આજે બજાર પર દબાણ વધ્યું છે.
બજારના નિષ્ણાતો માને છે કે વૈશ્વિક કારણોસર હાલ માર્કેટમાં ભારે અસ્થિરતા જોવા મળી રહી છે. રોકાણકારોએ અત્યારે સાવચેતીપૂર્વક ટ્રેડિંગ કરવાની સલાહ આપવામાં આવી રહી છે.
Click it and Unblock the Notifications
Sign in with Google
