મુંબઇ-અમદાવાદ બુલેટ ટ્રેન ક્યારે શરૂ થશે? આવી ગઈ તારીખ
દેશની પ્રથમ બુલેટ ટ્રેનની લોકો લાંબા સમયથી રાહ જોઈ રહ્યા છે. નવા વર્ષની શરૂઆત સાથે જ કેન્દ્રીય રેલ મંત્રી અશ્વિની વૈષ્ણવે આ બુલેટ ટ્રેન સંબંધિત એક મોટી અપડેટ આપી છે.
મંત્રીએ દાવો કર્યો છે કે ભારતની પ્રથમ બુલેટ ટ્રેન ૧૫ ઑગસ્ટ, ૨૦૨૭થી કાર્યરત થઈ જશે. આ જાહેરાત મુંબઈ-અમદાવાદ બુલેટ ટ્રેન પ્રોજેક્ટના બાંદ્રા-કુર્લા કોમ્પ્લેક્સ (બીકેસી), મુંબઈ સ્થિત સ્ટેશન સ્થળની મુલાકાત દરમિયાન કરવામાં આવી હતી.
આ હાઈ-સ્પીડ ટ્રેન પ્રોજેક્ટ મહારાષ્ટ્રના મુંબઈ અને ગુજરાતના અમદાવાદ વચ્ચેની મુસાફરીના સમયમાં નોંધપાત્ર ઘટાડો કરશે. તેનો મુખ્ય ઉદ્દેશ્ય ભારતમાં રેલવેના માળખાકીય સુવિધાઓને આંતરરાષ્ટ્રીય ધોરણે પહોંચાડવાનો છે, જેથી મુસાફરોને વિશ્વ કક્ષાની સુવિધાઓ મળી શકે.
આ પ્રોજેક્ટ પર ઝડપથી કામ ચાલી રહ્યું છે અને તે ભારતીય રેલવેના આધુનિકીકરણના માર્ગે એક મહત્વપૂર્ણ સીમાચિહ્ન સાબિત થશે. મુંબઈ-અમદાવાદ બુલેટ ટ્રેન (હાઈ-સ્પીડ રેલ કોરિડોર) ની મહત્તમ ગતિ લગભગ ૩૨૦ કિલોમીટર પ્રતિ કલાક સુધી રહેશે અને કેટલાક અંદાજ મુજબ તે ૩૫૦ કિલોમીટર પ્રતિ કલાક સુધી પણ પહોંચી શકે છે. આનાથી તે ભારતની સૌથી ઝડપી ટ્રેન સેવા બનશે.
મુંબઈથી અમદાવાદ પહોંચવામાં કેટલો સમય લાગશે તેની વાત કરીએ તો જો ટ્રેન ફક્ત મુખ્ય સ્ટોપ (જેમ કે વડોદરા અને સુરત) પર જ ઊભી રહેશે, તો મુસાફરી લગભગ ૧ કલાક ૫૮ મિનિટમાં પૂરી થશે. જો તે બધા સ્ટેશનો પર ઊભી રહેશે, તો સમય લગભગ ૨ કલાક ૧૭ મિનિટ સુધીનો હોઈ શકે છે. આ હાઈ-સ્પીડ રેલ કોરિડોરનો કુલ ખર્ચ લગભગ ૧.૦૮ લાખ કરોડ હોવાનો અંદાજ છે.
Click it and Unblock the Notifications
Sign in with Google
