ભાજપના પૂર્વ નેતા જયંતી ભાનુશાળીની હત્યાના મુખ્ય આરોપીની ધરપકડ

Updated: Tuesday, November 5, 2019, 23:07 [IST]

ભાજપના પૂર્વ ધારાસભ્ય જયંતી ભાનુશાળીની હત્યા કેસની તપાસમાં મહત્વની પ્રગતિ થઈ છે. ગુજરાત પોલીસની ટીમે ઉત્તર પ્રદેશના અલ્હાબાદથી મુખ્ય આરોપી મનીષા અને તેના મિત્ર સુરજીતની ધરપકડ કરી લેવામાં આવી છે. એસએસપી પ્રયાગરાજ સત્યાર્થ અનિરુદ્ધ પંકજે ધરપકડની પુષ્ટિ કરી છે. આ મામલે ગુજરાતી SIT હવે આ બંને આરોપીઓને કોર્ટથી ટ્રાન્જિટ રિમાન્ડ પર ગુજરાત લઈ જવાની તૈયારીમાં છે.

બે આરોપીની ધરપકડ

જણાવી દઈએ કે જાન્યુઆરી 2019માં ભાજપના વરિષ્ઠ નેતા જંયતીલાલ ભાનુશાળીની ટ્રેનમાં મુસાફરી દરમિયાન ગોળી મારી હત્યા કરી દેવામાં આવી હતી. કચ્છના કદાવર નેતા પર સાયાજી નગરી એક્સપ્રેસમાં હુમલો થયો હતો. તેઓ ભુજથી અમદાવાદ જઈ રહ્યા હતા, દરમિયાન તેમના પર કટારિયા અને સરવેબરી સ્ટેશન વચ્ચે અજાણ્યા શખ્સોએ હુમલો કરી દીધો હતો. જણાવવામાં આવી રહ્યું છે કે ભાનુશાળીને બે ગોળી લાગી, જેમાંથી એક તેમની છાતીમાં અને બીજી ગોળી તેમની આંખમાં લાગી હતી. ઘટના સ્થળે જ ભાનુશાળી મૃત્યુ પામ્યા હતા.

મુખ્ય આરોપી મનિષા ગોસ્વામી

જણાવી દઈએ કે આ મામલાની તપાસમાં પોલીસે ખુલાસો કર્યો કે જયંતિ ભાનુશાળીની હત્યા ભાજપના જ નેતા છબીલ પટેલ અને મનીષા ગોસ્વામીએ કરાવી હતી. બંનેએ હત્યા માટે પુણેના શાર્પશૂટર્સને સોપારી આપી હતી. ગુજરાત પોલીસે જણાવ્યું કે હત્યાના ત્રણ દિવસ પહેલા છબીલ પટેલ વિદેશ ભાગી ગયો હતો અને મનીષા ગોસ્વામી પણ ફરાર હતી. આ હત્યાકાંડમાં છબીલ પેટલના બે સહયોગી રાહુલ અને વસંત પટેલની ધરપકડ કરવામાં આવી છે. બાકીના તમામ આરોપીઓની તલાશ કરવામાં આવી રહી છે.

બળાત્કારનો આરોપ લાગ્યો હતો

ઉલ્લેખનીય છે કે જયંતિ ભાનુશાળીની છબી પણ ચોખ્ખી બિલકુલ નહોતી. કચ્છ જિલ્લાના ભાજપ ઉપાધ્યક્ષ ભાનુશાળી પર સૂરતની એક છોકરીએ રેપ કર્યો હોવાનો આરોપ લગાવ્યો હતો. જો કે ફરિયાદના થોડા સમય બાદ છોકરીએ ગુજરાત હાઈકોર્ટમાં એક નિવેદન નોંધાવ્યું હતું, જેમાં તેણે કહ્યું હતું કે તે આ કેસ ચલાવવા નથી માંગતી. યુવતીએ કહ્યું હતું કે તે આ કેસમાં આગળ કાર્યવાહી કરવા નથી માંગતી અને બંને વચ્ચે સમજૂતી થઈ ગઈ છે.

શું હતો સમગ્ર મામલો

સુરતની એક છોકરીએ સરથાણા પોલીસ સ્ટેશનમાં જયંતિ ભાનુશાળી વિરુદ્ધ ફરિયાદ નોંધાવી હતી. સુરત ક્રાઈમ બ્રાંચ આ મામલાની તપાસ કરી રહી હતી. છોકરીએ પોતાની ફરિયાદમાં કહ્યું કે ફેશન ડિઝાઈનિંગના પાઠ્યક્રમમાં પ્રવેશ માટે એક સંબંધીના માધ્યમથી તેની જયંતી ભાનુશાળી સાથે મુલાકાત થઈ હતી. ભાનુશાળીએ પ્રવેશ અપાવવાના બહાને છોકરીને અમદાવાદ બોલાવી હતી, તે ટ્રેનથી ગાંધીનગર ગઈ. બાદમાં તેને પોતાની કારમાં બેસાડી અશ્લિલ વીડિયો દેખાડવામાં આવ્યા અને બાદમાં તેના પર બળાત્કાર કરાયો હતો.