Kutch Earthquake: કચ્છમાં ફરી ધરા ધ્રુજી, 4.0ની રહી તીવ્રતા
Kutch Earthquake: ગુજરાતના કચ્છ જિલ્લામાં રવિવારની સાંજે 4.0 ની તીવ્રતાનો ભૂકંપ આવ્યો હતો. આ ભૂંકપમાં જાનમાલને નુકસાન થયાના કોઈ અહેવાલ નથી. આ અંગે અધિકારીઓએ જાણકારી આપી હતી.
કચ્છમાં ભૂકંપના આંચકા અનુભવાયા છે. રિક્ટર સ્કેલ પર તેની તીવ્રતા 4.0 માપવામાં આવી હતી. તેની અસર ઘણા વિસ્તારોમાં જોવા મળી છે. ભૂકંપનું કેન્દ્ર ભચાઉથી ઉત્તર-ઉત્તરપૂર્વમાં 21 કિલોમીટર દૂર હતું. ભૂકંપના આંચકા અનુભવાતા જ લોકો ઘરની બહાર આવી ગયા હતા. હજુ સુધી કોઈ પ્રકારના નુકસાનની માહિતી નથી.
ઇન્સ્ટિટ્યૂટ ઓફ સિસ્મોલોજીકલ રિસર્ચ (ISR) મુજબ ભૂકંપનું કેન્દ્ર કચ્છ જિલ્લાના ભચાઉ નજીક હતું. ISR એ તેના લેટેસ્ટ અપડેટમાં જણાવ્યું હતું કે, રવિવારે સાંજે 4:45 કલાકે ભૂકંપ નોંધાયો હતો અને તેનું કેન્દ્ર ભચાઉથી 21 કિમી ઉત્તર, ઉત્તરપશ્ચિમ (NNW) આસપાસ હતું.
તાજેતરમાં દિલ્હી-એનસીઆર, પંજાબ સહિત ચંદીગઢ અને જમ્મુ કાશ્મીરમાં ભૂકંપના કારણે ધરતી ધ્રૂજી ગઈ હતી. ભૂકંપના આ આંચકા લાંબા સમય સુધી અનુભવાયા હતા. ભૂકંપ આવતા જ લોકો ઘર અને ઓફિસમાંથી બહાર આવી ગયા હતા. આ ભૂકંપનું કેન્દ્ર અફઘાનિસ્તાનના ફૈઝાબાદમાં હતું. હિંદુકુશ ક્ષેત્રમાં રિક્ટર સ્કેલ પર તેની તીવ્રતા 6.2 હતી.
Click it and Unblock the Notifications
Sign in with Google
