Kutch earthquake : કચ્છમાં 7 મિનિટના અંતરે ભૂકંપના બે આંચકા અનુભવાયા
Kutch earthquake : કચ્છમાં શુક્રવારે ભૂકંપના બે આંચકા અનુભવાયા છે. માત્ર સાત મિનિટના ટૂંકા ગાળામાં આવેલા આ આંચકાને કારણે લોકોમાં ગભરાટ ફેલાયો હતો.
આ ભૂકંપની તીવ્રતા રિક્ટર સ્કેલ પર અનુક્રમે 3.4 અને 2.7 નોંધાઈ છે. ભુકંપના પગલે લોકોમાં ચિંતાનો માહોલ જોવા મળ્યો છે.
સમાચારો અનુસાર, પહેલો આંચકો સવારે 10:12 કલાકે અનુભવાયો. તેની તીવ્રતા 3.4 હતી અને તેનું કેન્દ્રબિંદુ ભચાઉથી 20 કિલોમીટર દૂર નોંધાયું હતું.
બીજો આંચકો બરાબર સાત મિનિટ પછી એટલે કે સવારે 10:19 કલાકે બીજો આંચકો આવ્યો. તેની તીવ્રતા 2.7 હતી અને તેનું કેન્દ્ર રાપરથી 19 કિલોમીટર દૂર હતું.
આ ભૂકંપના આંચકા પૂર્વ કચ્છના રાપર અને ભચાઉ નજીકના વિસ્તારોમાં વધુ અનુભવાયા હતા. સદ્ભાગ્યે આ આંચકાને કારણે કોઈ જાનહાનિ કે મોટું નુકસાન થયું નથી.
Click it and Unblock the Notifications
Sign in with Google
