ભાવનગરમાં ભાજપની જાહેરસભામાં ક્ષત્રિય સમાજે કર્યો વિરોધ
Lok sabha Election 2024: રાજકોટ લોકસભા સીટના ઉમેદવાર પરષોત્તમ રૂપાલાની ઉમેદવારી પાછી ખેંચવા માટે આજે ક્ષત્રિય સમાજના એક ડઝનથી વધુ યુવાનોએ ભાજપની જાહેર સભામાં વિરોધ પ્રદર્શન કર્યું હતું.
ભાવગર લોકસભા બેઠકના ભાજપના ઉમેદવાર નિમુબેન બાંભણીયાની ઉમેદવારી પત્રક પૂર્વે જાહેરસભા યોજાઈ હતી. વિરોધ કરી રહેલા યુવાનોમાંથી એક રવિરાજસિંહ સ્ટેજ પર ગયા અને પરષોત્તમ રૂપાલાની ઉમેદવારી પાછી ખેંચવાની માંગ સાથે ભારતીય જનતા પાર્ટીમાંથી રાજીનામું આપ્યું હતું.
આ ઘટના બની ત્યારે ધારાસભ્ય જીતુભાઈ વાઘાણી, લોકસભાના સભ્ય ભારતીબેન શિયાળ સહિતના લોકો સ્ટેજ પર હતા. વિરોધ કરી રહેલા યુવાનોના હાથમાં કાળો ખેસ હતો અને તેઓ પરષોત્તમ રૂપાલા વિરુદ્ધ સૂત્રોચ્ચાર કરી રહ્યા હતા.
રાજકોટ લોકસભા સીટના ભાજપના ઉમેદવાર અને કેન્દ્રીય કૃષિ મંત્રી પરષોત્તમ રૂપાલાની ટીપ્પણી કે જેના માટે પરષોત્તમ રૂપાલાએ બે વખત જાહેરમાં માફી માંગી હતી તેનો વિરોધ મુખ્યત્વે સૌરાષ્ટ્રમાં ક્ષત્રિય સંગઠનો કરી રહ્યા છે.
Click it and Unblock the Notifications
Sign in with Google
