Lok Sabha Election Result 2024 : ક્ષત્રિય આંદોલનનું સૂરસૂરિયું? રૂપાલા-પૂનમ માડમને મોટી લીડ

Published: Tuesday, June 4, 2024, 11:37 [IST]

લોકસભા ચૂંટણીના પરિણામોએ તમામ લોકોને ચોકાવ્યા છે. એક તરફ દેશમાં બીજેપીને મોટો ઝટકો લાગી રહ્યો છે તો બીજી તરફ ગુજરાતમાં ક્ષત્રિય આંદોલનની વધુ અસર જોવા મળી નથી.

બીજેપી નેતા અને કેન્દ્રિય મંત્રી પુરૂષોત્તમ રૂપાલાના ક્ષત્રિયો વિશેના નિવેદન બાદ ગુજરાતમાં મોટુ આંદોલન જોવા મળ્યુ હતુંં અને કહેવાયુ હતું કે આનું નુકસાન બીજેપીને થઈ શકે છે.

જો કે પરિણામોમાં આ અસર જોવા મળી નથી. સૌરાષ્ટ્રની બે બેઠકો પર આ આંદોલનની સૌથી વધુ અસર થવાની સંભાવના હતી કે રાજકોટ અને જામનગર બેઠક પર આ આંદોલનની કોઈ અસર જોવા મળી નથી.

અત્યાર સુધીના આંકડા અનુસાર, રાજકોટથી બીજેપી ઉમેદવાર પુરુષોત્તમ રૂપાલા અને જામનગરથી બીજેપી ઉમેદવાર પૂનમ માડમ મોટી લીડ સાથે આગળ છે.

આંકડા અનુસાર, હાલ સુધીની મત ગણતરી અનુસાર, પુરૂષોત્તમ રૂપાલા 2 લાખ અને પૂનમ માડમને 93 હજારની લીડ સાથે આગળ છે. અને આ બન્નેની જીત લગભગ નક્કી માનવામાં આવી રહી છે.

Published On June 4, 2024