નવસારીઃ ડાભોલ ગામે પોલીસ પર હુમલો કરનારા ફરાર, 200 ઘરે લાગ્યા તાળા

Published: Thursday, October 9, 2014, 17:00 [IST]

નવસારી, 9 ઓક્ટોબરઃ બકરી ઇદ દરમિયાન નવસારી જિલ્લાના ડાભોલ ગામ ખાતે ગયેલા પોલીસ કર્મીઓ પર કસાઇઓ દ્વારા હુમલો કરવામાં આવ્યો હતો. જેમાં અત્યારસુધી કોઇની પણ ધરપકડ કરવામાં આવી નથી. આ વચ્ચે રેન્જ આઇજીએ ડાભોલ ગામની મુલાકાત લીધી હતી. જોકે ગામના 200થી વધુ ઘરોએ તાળા લટકી રહ્યાં હોવાનું જાણવા મળ્યું છે.

બનાવ અંગે જાણવા મળ્યા અનુસાર પોલીસની ધરપકડથી બચવા માટે આરોપીઓ ઘરે તાળા મારીને ફરાર થઇ ગયા છે. નોંધનીય છેકે, બે દિવસ પૂર્વ ડાભોલ ગામે ગૌહત્યા રોકવા ગયેલી પોલીસ પર કસાઇઓ દ્વારા હુમલો કરવામાં આવ્યો હતો અને પોલીસને બંધક બનાવવામાં આવી હતી. બાદમાં પોલીસ દ્વારા બંધક કર્મીઓને બચાવવામાં આવ્યા હતા અને 100થી વધુ લોકો સામો ગુનો નોંધ્યો હતો. જોકે અમુક આરોપી જ પકડમાં આવ્યા હતા. જ્યારે મોટાભાગના આરોપીઓ ઘર બંધ કરીને ફરાર થઇ ગયા હતા.

Published On October 9, 2014