રાજ્યના ચારેય ઝોનમાં બનશે મેડિસિટી, યુદ્ધના ધોરણે ચાલી રહ્યું છે નિર્માણકાર્ય
આરોગ્ય મંત્રી શ્રી ઋષિકેશ પટેલ એ ગુજરાત વિધાનસભામાં મેડિસિટી સંદર્ભે પૂછાયેલ પ્રશ્નના ઉત્તરમાં જણાવ્યું છે કે, રાજ્યના ચારેય ઝોનમાં સુપરસ્પેશ્યાલિસ્ટ સેવા-સુવિધા અને વિશ્વ સ્તરીય સારવાર ઉપલબ્ધ કરાવતી મેડિસિટીનું નિર્માણકાર્ય યુદ્ધના ધોરણે આરંભવામાં આવ્યું છે.
અમદાવાદમાં અંદાજિત રૂપિયા 910 કરોડ, વડોદરામાં રૂપિયા 561.45 કરોડ, સુરતમાં રૂપિયા 204.70 કરોડ, જામનગરમાં રૂપિયા 864.17 કરોડ અને ભાવનગરમાં રૂપિયા 1003.99 આમ અંદાજિત કુલ રૂપિયા 3544.45 કરોડના ખર્ચે વર્લ્ડ ક્લાસ ફેસિલીટીથી સજ્જ મેડિસિટી નિર્માણ પામી રહી છે.
જેના અંતર્ગત અમદાવાદ સિવિલ હોસ્પિટલ ખાતે જન્મ જાત બાળકોના ખોડખાપણને લગતા રોગો, વૃદ્ધ લોકોને લગતા રોગો, મગજ અને જ્ઞાનતંતુના રોગોની સુપર સ્પેશિયાલિસ્ટ સારવાર, વડોદરા એસએસજી હોસ્પિટલ ખાતે હૃદય, કિડની, આંખને લગતા રોગની સારવાર, નવી સિવિલ હોસ્પિટલ, સુરત ખાતે હૃદય, કિડની મૂત્રાશયના રોગ, મગજ અને જ્ઞાનતંતુના રોગો જીજી હોસ્પિટલ, જામનગર ખાતે હૃદય રોગ, મૂત્રાશયના રોગો, પ્લાસ્ટીક સર્જરી, પેટના રોગો, સર ટી હોસ્પિટલ, ભાવનગર ખાતે હૃદય અને લોહીની નસોના રોગો, કિડની, મગજ અને જ્ઞાનતંતુના રોગોને લગતી સુપર સ્પેશિયાલિસ્ટ ઉપલબ્ધ બનશે.
Click it and Unblock the Notifications
Sign in with Google
