2 states: મોદીએ ગુજરાત-મહારાષ્ટ્રને પાઠવી શુભેચ્છા

Published: Thursday, May 1, 2014, 13:22 [IST]

ગાંધીનગર, 1 મેઃ મુંબઇમાંથી ગુજરાતને અલગ રાજ્ય બનાવવામાં માટે ચાલેલી મહાગુજરાત ચળવળ બાદ 1 મે એટલે કે આજના દિવસે વર્ષ 1960ના રોજ ગુજરાત અને મહારાષ્ટ્ર રાજ્ય બનાવવામાં આવ્યા હતા. આજે બન્ને રાજ્યનો જન્મદિવસ હોય ગુજરાતના મુખ્યમંત્રી અને ભારતીય જનતા પાર્ટીના પીએમ પદના ઉમેદવાર નરેન્દ્ર મોદીએ આ વખતે બન્ને રાજ્યોની જનતાને શુભેચ્છા પાઠવી છે.

મુખ્યમંત્રી નરેન્દ્ર મોદીએ કહ્યું છેકે, આજનો દિવસ બે રાજ્યોના નિર્માણનો દિવસ છે અને હું ગુજરાત અને મહારાષ્ટ્રની જનતાને શુભેચ્છા પાઠવું છું કે જેમણે 1 મે 1960ના રોજ વિકાસની યાત્રા શરૂ કરી હતી. મહારાષ્ટ્ર અને ગુજરાતની જનતા વચ્ચે ગાઢ નિકટ છે અને હું આશા રાખું છું કે જેમ જેમ વર્ષો વિતતા જશે આ નિકટતા વધુ ગાઢ બનતી જશે. હું પ્રાર્થના કરું છુંકે ગુજરાત અને મહારાષ્ટ્ર બન્ને રાજ્યો વિકાસની એક નવી ઉંચાઇએ પહોંચે જેથી તેઓ પોતાના યુવાનોની ઇચ્છાઓને પૂર્ણ કરી શકે.

નોંધનીય છેકે મુંબઇ રાજ્યનું વિભાજન કરવા કોઇ માગતુ નહોતું, તેની પાછળનું કારણ ગુજરાત અને મુંબઇના આર્થિક હિતો હતા અને તે સમયના રાષ્ટ્રીય નેતાઓ પણ મુંબઇના બે ભાગ ના પડે તેવું ઇચ્છતા હતા, જોકે પ્રજાને તે સ્વિકાર્ય નહોતું, અને મહાગુજરાત ચળવળ હાથ ધરવામાં આવી. વર્ષ 1960માં મુંબઇ રાજ્યનું વિભાજન કરવામાં આવ્યું, જેમા એક રાજ્ય બન્યુ મહારાષ્ટ્ર અને બીજુ બન્યું ગુજરાત બન્યુ હતું.

Published On May 1, 2014