ખોટા વચનો આપી કોંગ્રેસ પ્રજાને છેતરે છેઃ મોદી

ગાંધીનગર, 08 ઑક્ટોબરઃ ગુજરાતમાં ચૂંટણીનો માહોલ જામી ચૂક્યો છે. રાજ્યના બે મુખ્ય પક્ષો કોંગ્રેસ અને ભાજપ વચ્ચે આરોપ-પ્રત્યારોપનો દોર ચાલું થઇ ગયો છે. દેહગામ ખાતે અર્જુન મોઢવાડિયાએ મોદી સરકારને આડેહાથ લીધા છે. તો બીજી તરફ ધોળકામાં મુખ્યમંત્રી નરેન્દ્ર મોદીએ કોંગ્રેસ અને સોનિયા ગાંધી પર વાક પ્રહારો કર્યા છે.

ધોળકા ખાતે પહોંચેલી વિવેકાનંદ વિકાસયાત્રામાં મોદીએ કોંગ્રેસ પર પ્રહાર કરતા કહ્યું છે કે, કેન્દ્રમાં રહેલી કોંગ્રેસ સરકાર ભ્રષ્ટાચારથી ખરડાયેલી છે. ગુજરાતના વિકાસ અંગે કોંગ્રેસ દ્વારા જે કંઇપણ કહેવામાં આવી રહ્યું છે તે જુઠ્ઠાણાથી ભરેલું છે. કોંગ્રેસ ખોટા-ખોટા વચનો ગુજરાતની જનતાને આપીને ગેરમાર્ગે દોરી રહી છે.

તેમણે સોનિયા ગાંધી પર પ્રહાર કરતા કહ્યું છે કે, સોનિયા ગાંધીએ રાજકોટમાં ચૂંટણી અંગેનું પોતાનું મેનુ રજૂ કર્યું છે. પરંતુ તેઓ મોંઘવારી અંગે કંઇ બોલ્યા નથી. તેમણે મોંઘવારી અંગે ખેદ વ્યક્ત કરવો જોઇએ.

નોંધનીય છે કે, મોદીની વિકાસયાત્રા હવે ખેડા, મહેમદાવાદ, નિકોલ, દેહગામ, માણસા, ગોઝારીયા અને કલોલમાં પહોંચશે. કલોલમાં મોદી જાહેર મેદનીને સંબોધવાના છે.

English summary

Narendra Modi Vikas yatra arrived at Dholka. Addressing crowd in Dholka Modi slams Sonia Gandhi and Congress for false promise.