નર્મદા: 140 મહિલાઓને બકરા એકમ યોજના હેઠળ કુલ 63 લાખની સહાય ચૂકવાઈ

Narmada: વિધાનસભા ગૃહમાં નાંદોદના ધારાસભ્ય દર્શના દેશમુખે નર્મદા જિલ્લામાં અનુસૂચિત જનજાતિની કેટલી મહિલા લાભાર્થીઓને બકરા એકમ યોજના હેઠળ લાભ અપાયો છે, અને તેમને કેટલી સહાય ચૂકવવામાં આવે છે, તે અંગે સવાલ પૂછ્યો હતો.

આ પ્રશ્નના જવાબમાં પશુપાલન મંત્રી રાઘવજી પટેલે જણાવ્યું હતું કે, નર્મદા જિલ્લાની અનુસૂચિત જનજાતિની 140 મહિલાઓ જેમાં ગરુડેશ્વર તાલુકાની 16, ડેડિયાપાડાની 55, તિલકવાડાની 09, નાંદોદની 42 અને સાગબારાની 18 મહિલાઓનો સમાવેશ થાય છે. જેમને કુલ રૂપિયા 63 લાખની સહાય ચૂકવવામાં આવી છે.

બકરાં એકમ સ્થાપવા કેટલો ખર્ચ થાય છે, અને તે પૈકી લાભાર્થીએ કેટલો ફાળો આપવાનો રહે છે, તે અંગે પૂછાયેલા પેટા પ્રશ્નના જવાબમાં મંત્રી પટેલે જણાવ્યું હતું કે, બકરા એકમ સ્થાપવા પાછળ કુલ રૂપિયા 90 હજારનો ખર્ચ થાય છે. તેમાંથી ખર્ચના 50 ટકા એટલે કે રૂપિયા 45 હજારની સહાય રાજ્ય સરકાર‌ દ્વારા આપવામાં આવે છે.

English summary

Narmada: Total assistance of 63 lakhs paid to 140 women under Bakra Ekam Yojana