રાષ્ટ્રીય બાલિકા દિવસ: ગુજરાત વિધાનસભામાં તેજસ્વિની વિધાનસભાનું આયોજન

International Girl Child Day: આંતરાષ્ટ્રીય બાલિકા દિવસને ગુજરાતની બાલિકાઓ માટે યાદગાર બનાવા તથા પ્રજાતાંત્રિક મુલ્યો અંગે મહિલાઓની ભાગીદારી વધે અને જાગૃતતા આવે તેવા હેતુસર 24 જાન્યુઆરીના રોજ ગુજરાત વિધાનસભાગૃહ ખાતે તેજસ્વિની વિધાનસભાનું આયોજન કરવામાં આવ્યું હતું.

ગુજરાત વિધાનસભાના અધ્યક્ષ શંકરભાઈ ચૌધરીના અધ્યક્ષ સ્થાને યોજાયેલી તેજસ્વિની વિધાનસભાનું મુખ્યમંત્રી ભૂપેન્દ્ર પટેલના હસ્તે ઉદ્ધાટન કરવામાં આવ્યું હતું. આ કાર્યક્રમમાં અતિથી વિશેષ તરીકે મહિલા અને બાળ વિકાસ મંત્રી ભાનુબેન બાબરીયા ઉપસ્થિત રહ્યા હતા.

આ તેજસ્વિની વિધાનસભામાં દિકરીઓના જન્મ, શિક્ષણ, આરોગ્ય, પોષણ તથા સલામતી, સુરક્ષા અને નેતૃત્વના વિકાસ જેવા દિકરીઓને સ્પર્શતા વિવિધ મુદ્દાઓ પર ચર્ચા કરવામાં આવી હતી.

સમગ્ર દેશમાં પ્રતિ વર્ષ તારીખ 24 જાન્યુઆરીને આંતરાષ્ટ્રીય બાલિકા દિવસ તરીકે ઊજવવામાં આવે છે. આ દિવસને બાલિકાઓ માટે વધુ ખાસ બનાવવા મહિલા અને બાળ વિકાસ વિભાગ તથા ગણેશ વાસુદેવ માવળંકર સંસદીય અભ્યાસ અને તાલીમ બ્યુરો, ગુજરાત વિધાનસભાના સંયુક્ત ઉપક્રમે રાષ્ટ્રીય બાલિકા દિવસ નિમિત્તે વિધાનસભાગૃહ ખાતે આ તેજસ્વિની વિધાનસભાનું આયોજન કરવામાં આવ્યુ હતું.

મુખ્યમંત્રી શ્રી ભૂપેન્દ્રભાઈ પટેલે આજે 'રાષ્ટ્રીય બાલિકા દિવસ’ નિમિત્તે ગુજરાત વિધાનસભાના માનનીય અધ્યક્ષ શ્રી શંકરભાઈ ચૌધરીના અધ્યક્ષસ્થાને તેમજ વિધાનસભાના ઉપાધ્યક્ષ શ્રી જેઠાભાઈ આહિર, મહિલા અને બાળ વિકાસ મંત્રી શ્રીમતી ભાનુબેન બાબરીયા તેમજ અન્ય મહાનુભાવોની ઉપસ્થિતિમાં ગુજરાત… pic.twitter.com/4c3hg4e1aP

— CMO Gujarat (@CMOGuj) January 24, 2024

English summary

National Girl's Day: Tejaswini VidhanSabha held in Gujarat Assembly