ભાજપના કાર્યક્રમમાં અધિકારીને મળી ઉંઘવાની સજા, કરાયા સસ્પેન્ડ
ભુજ : કચ્છ જિલ્લામાં આવેલા ભુજ નગરપાલિકાના ચીફ ઓફિસરને મુખ્યમંત્રી ભૂપેન્દ્ર પટેલની ઉપસ્થિતિવાળા ભારતીય જનતા પાર્ટીના કાર્યક્રમમાં ઉંઘ લેવી ભારે પડી છે. ભુજ નગરપાલિકાના ચીફ ઓફિસરને આ કાર્યક્રમમાં ઉંઘવાને કારણે તાત્કાલિક અસરથી સસ્પેન્ડ કરી દેવામાં આવ્યા છે.
જીગર પટેલને તાત્કાલિક અસરથી સસ્પેન્ડ કરાયા - જીગર પટેલને શનિવારે સાંજે રાજ્યના શહેરી વિકાસ અને શહેરી આવાસ વિભાગ દ્વારા સસ્પેન્ડ કરવામાં આવ્યા હતા, એમ એક અધિકારીએ રવિવારના રોજ જણાવ્યું હતું.
અધિકારીએ જણાવ્યું હતું કે, ઘોર બેદરકારી અને ફરજ પ્રત્યે નિષ્ઠાનો અભાવ બદલ ગુજરાત સિવિલ સર્વિસીસ (શિસ્ત અને અપીલ) નિયમો, 1971ના નિયમ 5(1)(a) હેઠળ તેમને સસ્પેન્શનનો આદેશ જાહેર કરવામાં આવ્યો છે.
ભૂકંપ અસરગ્રસ્તો માટે આયોજિત કાર્યક્રમ - ઉલ્લેખનીય છે કે, સમારોહમાં મુખ્યમંત્રી ભૂપેન્દ્ર પટેલે કચ્છમાં ભૂકંપથી પ્રભાવિત લગભગ 14,000 લોકોના પુનર્વસન માટે રહેણાંક મકાનોના માલિકી દસ્તાવેજોનું વિતરણ કર્યું હતું.
મુખ્યમંત્રી પટેલે ટ્વીટ કર્યું હતું કે, 2001ના ભૂકંપ બાદ અસરગ્રસ્તોનું પુનઃવસન મોટા પાયે કરવામાં આવ્યું હતું. નરેન્દ્ર મોદીને પણ કચ્છ પ્રત્યે અનોખો પ્રેમ હતો. મુખ્યમંત્રી પટેલે જણાવ્યું કે, તેમના નેતૃત્વ અને માર્ગદર્શન હેઠળ કચ્છ અનેક મુશ્કેલીઓમાંથી બહાર આવીને વિકાસના પંથે અગ્રેસર બન્યું છે.
ગુજરાતના કચ્છ જિલ્લામાં, ભુજ નગરપાલિકાના ચીફ ઓફિસરને મુખ્યમંત્રી ભૂપેન્દ્ર પટેલના કાર્યક્રમ દરમિયાન ઉંઘ લેવાનું મુશ્કેલ બન્યું હતું. ભુજ નગરપાલિકાના ચીફ ઓફિસરને મુખ્યમંત્રી ભૂપેન્દ્ર પટેલના કાર્યક્રમ દરમિયાન ઉંઘવા બદલ તાત્કાલિક અસરથી સસ્પેન્ડ કરવામાં આવ્યા છે.
Click it and Unblock the Notifications
Sign in with Google
