સ્વેટર પર રેનકોટે પહેરી ગુજરાતીઓએ ભોગવી ઓખીની હેરાનગતિ
ઓખી ચક્રવાતના કારણે વડોદરા, અમદાવાદમાં ભારે વરસાદ. તો ભાજપ અને કોંગ્રેસે દક્ષિણ ગુજરાતની તેની કેટલીક ચૂંટણી સભાઓ કરી કેન્સલ. વધુ વાંચો અહીં
ગુજરાતમાં કેરળ તરફથી ગુજરાત તરફ આગળ વધી રહેલા ઓખી ચક્રવાતના કારણે ભર શિયાળે ઠંડી અને વરસાદનો મારો સહન કરવાનો વખત ગુજરાતીઓને આવ્યો છે. અમદાવાદ, વડોદરા વરસાદના કારણે લોકોની મુશ્કેલી વધી છે. અમદાવાદમાં સોમવાર રાતથી જ વરસાદ પડી રહ્યો છે. તો કોંગ્રેસ અને ભાજપના નેતાઓએ ઓખીના કારણે સુરત અને સૌરાષ્ટ્ર પટ્ટા પર ચૂંટણી પ્રચાર રોકવાનો વારો આવ્યો છે. વડોદરામાં પણ સવારથી ઝરમર વરસાદ વરસી રહ્યો છે. જેના કારણે સ્કૂલે જતા બાળકો, વાલી અને નોકરીયાતને હેરાનગતિનો સામનો કરવો પડી રહ્યો છે. ચોમાસા પછી માળિયે મૂકી દીધેલી છત્રી અને રેનકોટ શોધીને લોકો આજે સવારે સ્વેટર અને હાથમાં છત્રી સાથે જોવા મળ્યા હતા. વધુમાં ભાજપે અમિત શાહની જનસભાને પણ સ્થગિત કરી હતી.
નોંધનીય છે કે આજે સાંજ સુધીમાં ઓખી વાવાઝોડું નવસારી સુધી પહોંચશે. જેના કારણે તેજ હવા અને વરસાદની સિઝિન સમગ્ર ગુજરાતમાં ઊભી થઇ છે. ઉલ્લેખનીય છે કે ઓખીના લીધી દરિકા કિનારેના વિસ્તારોમાં 3 નંબરની સિગ્નલ લગાડવામાં આવી છે. અમદાવાદમાં ઓખીના પગલે ફાયર ડિપાર્ટમેન્ટને સ્ટેન્ડ ટુના આદેશ આપવામાં આવ્યા છે. નોંધનીય છે કે ઓખીની અસર અમદાવાદમાં પણ થઇ શકે છે. સાથે જ હવામાન ખાતાએ આગાહી કરી છે કે સુરત, નવસારી, સૌરાષ્ટ્ર અને કચ્છ વિસ્તારોમાં ભારે વરસાદ પણ પડી શકે છે. અને ઠંડીમાં પણ વધારો થયો છે. વધુમાં કમોસમી વરસાદના કારણે ખેડૂતોની પણ મુશ્કેલી વધી છે.
Click it and Unblock the Notifications
Sign in with Google
