ભાવનગરના સિહોર પંથકમાં  ઇલે. પોલ અને ટીસી ધરાશાયી થતા વૃદ્ધનું મોત

ભાવનગર જિલ્લામાં ગઈકાલે વરસેલા તોફાની પવન સાથેના કમોસમી વરસાદે એક વ્યક્તિનો ભોગ લીધો છે. સિહોર પંથકમાં ધોધમાર દોઢ ઇંચ તોફાની વરસાદ ખાબકી ગયો હતો. અને આ વરસાદ સાથે મિની વાવાઝોડા જેવો પવન ફૂંકાતા બોરડી ગામે ટીસી પડતા રોડ પરથી પસાર થઇ રહેલા વૃદ્ધ ને વીજ વાયર અડી જતા તેનું નીપજ્યું હતુ.

પ્રાપ્ત થતી માહિતી મુજબ ભાવનગર જિલ્લાના સિહોર તાલુકાના બોરડી ગામે ગઈ કાલે પવન સાથે ધોધમાર વરસાદના લીધે રોડ પર વીજ પોલ અને ટ્રાન્સફોર્મર ટીસી પડતા સિહોરથી બુઢણા જવા આ રોડ પરથી પસાર થઇ રહેલા બુઢણા ગામના અને હાલ સુરત ખાતે રહેતા જીવરાજભાઈ મઘાભાઈ બેલડીયા ઉં.વ. 70 ને જીવતો વીજ વાયર અડી જતા સ્થળ પર જ કમકમાટીભર્યુ મોત નિપજ્યું હતુ.

English summary

Old man dies after pole falls in Bhavnagar's Sinhor