જાણો તમારા ઉમેદવારને: રાપરથી ભાજપના પંકજભાઈ મહેતા
ગુજરાતમાં રાજકીય પક્ષો દ્વારા વિધાનસભાની ચૂંટણીમાં ઉમેદવારોના નામ જાહેર કરવામાં આવ્યા હતા. જેમાં રાપર સીટ પરથી ભાજપના પંકજભાઈ મહેતાને ટિકિટ આપવામાં આવી છે. પંકજભાઈ મહેતા વિષે થોડુ જાણીએ.
ગુજરાત વિધાનસભાની ચૂંટણીમાં ભાજપનો દાવો છે કે તે એક એક બેઠક પર પોતાની નજર બનાવીને આ ચૂંટણી લડી રહી છે. વળી વિધાનસભાની સીટ પરના ઉમેદવારોની યાદી અને વિવાદો પણ આ ચૂંટણીને વધારે રસપ્રદ બનાવી રહ્યા છે, ત્યારે 20 નવેમ્બરના ભાજપ દ્વારા ઉમેદવારોની ત્રીજી યાદી બહાર પાડવામાં આવી છે. આ યાદીમાં રાપર વિધાનસભા સીટ પરના ઉમેદવાર તરીકે પંકજભાઈ મહેતાની પસંદગી કરવામાં આવી છે. તો પંકજભાઈ મહેતા વિષે થોડુ જાણીએ. પંકજભાઈ મહેતાનો જન્મ કચ્છના રાપર તાલુકામાં થયો હતો. તેમના પિતાનું નામ અનુપચંદ નામજી મહેતા હતું. પંકજભાઈ આ પહેલા વર્ષ 2012માં યોજાયેલી વિધાનસભાની ચૂંટણી લડી ચૂક્યા છે.
myneta. in પરથી મળતી માહિતી અનુસાર, 46 વર્ષની પંકજભાઈ મહેતાએ 7માં ધોરણ સુધીનો અભ્યાસ કર્યો હતો. તેમની પત્નીનું નામ જિજ્ઞાબેન છે. તેમના વ્યવસાયની વાત કરવામાં આવે તો તેઓ બિલ્ડરનું કામ કરે છે. તેમને એક પુત્ર છે. 2012માં તેમણે પોતાની સંપત્તિ લગભગ 4 કરોડ જેટલી જણાવી હતી. તેમના પર કોઈ પણ ગુનાહિત કેસ નથી નોંધાયો.