PM ભાજપના કાર્યક્રમમાં ભીડ ભેગી કરવા સરકારી નાણાંનો દુરપયોગ કરે છે-કોંગ્રેસ

વડાપ્રધાનના કાર્યક્રમમાં ભીડ એકત્ર કરવા વ્યક્તિ દીઠ 100 ફાળવવાના સરકારી ફરમાને પર કોંગ્રેસના પ્રવક્તાએ આકરી પ્રતિક્રિયા આપી હતી. કોંગ્રેસના મુખ્ય પ્રવક્તા ડૉ. મનીષ દોશીએ જણાવ્યું હતું કે ગુજરાતમાં લાખો ગરીબ-શ્રમિક-સામાન્ય-મધ્યમ વર્ગના બાળકોને મધ્યાહન ભોજન માટે ધોરણ એક થી પાંચ માટે ૫ રૂપિયા અને છ થી આઠ માટે રૂપિયા ૭ જેટલી નજીવી રકમ ફાળવવામાં આવી રહી છે. ત્યારે, વડાપ્રધાનની સભામાં ભીડ ઉભી કરવા રૂપિયા ફાળવવામાં આવી રહ્યા છે.

આંગણવાડીના નાના ભૂલકાને નાસ્તા માટે ૨ રૂપિયા જેટલી નજીવી રકમ ફાળવવામાં આવી રહી છે, બીજી બાજુ દેખાવ પૂરતા સરકારી હકીકતમાં ભાજપના પક્ષીય પ્રચાર કાર્યક્રમના ભાગરૂપે પ્રજાના પરસેવાના ટેક્સના નાણાં કાર્યક્રમમાં સામેલ કરવા પ્રત્યેક વ્યક્તિને ફૂડ પેકેટના ૧૦૦ રૂપિયા જેટલી માતબર રકમ ફાળવવાના સરકારી ફરમાન થાય તે કેટલે અંશે વાજબી છે.

એક તરફ ગુજરાતમાં ૪૫ ટકા બાળકો અને ૫૫ ટકા મહિલાઓ કુપોષિત છે અને આ કુપોષણની લડાઈ માટે બાળકો વિદ્યાર્થીઓને સરકારી કાર્યક્રમના નામે ભાજપના પક્ષીય પ્રચાર કાર્યક્રમમાં પ્રતિ વ્યક્તિ ફૂડ પેકેટના ૧૦૦ રૂપિયા ફાળવણી દર્શાવે છે કે ગુજરાતબ ભવિષ્ય એવા બાળકો-વિદ્યાર્થીઓની ચિંતા કરવાની બદલે ભાજપા સત્તા મેળવવા-હડપવા માટે સરકારી તિજોરીને કરોડો રૂપિયા વેડફી રહી છે જેથી તેમના મળતીયાઓ તંદુરસ્ત રહે.

English summary

PM misuses govt money to gather crowd at BJP event-Congress