PM નરેન્દ્ર મોદીના માતા હિરાબા પહોંચ્યા બેંક, બદલાવ્યા 4500 રૂપિયા!
પીએમ મોદીના માતા હિરાબા પહોંચ્યા બેંક, નિયમ મુજબ નોટ બદલી પુત્રના નિર્ણયને આપ્યું સમર્થન.
વડાપ્રધાન નરેન્દ્ર મોદીની માતા હિરા બાએ આજે ગાંધીનગરના રાયસણમાં આવેલી ખાનગી બેંક ખાતે જઇને પોતાના 4500 રૂપિયાની જૂની નોટોને બદલાવી નવી નોટો લીધી. નોંધનીય છે કે અવાર નવાર પીએમ મોદીની માતા હિરા બા તેમના પુત્રની વાતોનું અનોખી રીતે સમર્થન કરતા હોય છે. અને આ વખતે પણ તેમણે પરિવારજનો સાથે બેંક પહોંચીને નિયમ મુજબ ફોર્મ ભરી તેમની જૂની નોટો બદલાવી.
નોંધનીય છે કે વડાપ્રધાન નરેન્દ્ર મોદીના માતા હિરા બા 90 વર્ષના છે. અને લાંબા સમયથી ઉંમરને લગતી બિમારીઓના લીધે અસ્વસ્થ છે. તેમ છતાં તેમણે હોશે હોશે આ તમામ વ્યવસ્થા ખાનગી બેંકમાં જઇને પરિપૂર્ણ કરી. એટલું જ નહીં નવી 2000 રૂપિયાની નોટ સાથે તેમના ચહેરાનું સ્મિત જોવા જેવું હતું. ત્યારે તેમણે પત્રકારો જણાવ્યું કે તે તેમના પુત્ર મોદીના આ નિર્ણયનું સમર્થન કરે છે.
Gujarat: PM Narendra Modi's mother Heeraben Modi exchanges currency of Rs 4500 at a bank in Gandhinagar #DeMonetisation pic.twitter.com/WXDjrd1TBW
— ANI (@ANI_news) November 15, 2016